AfriForum dien besware teen grondonteiening in

Ernst Roets oorhandig die memorandum, petisie en verslag aan Pat Jayiya by die kantoor van die hersieningskomitee by die parlement (Foto: AfriForum)

Die burgerregtegroep AfriForum het Dinsdagoggend hul besware teen die onteiening van grond sonder vergoeding ingedien by die parlement, vergesel van ‘n petisie onderteken deur 250 000 mense.

Ernst Roets, adjunk- uitvoerende hoof van AfriForum, het ‘n hele rits dokumentasie persoonlik by die parlement kom afgee om te verseker dit kom by die regte amptenaar uit.

Drie afsonderlike dokumente is aan die parlement oorhandig. Eerstens was daar die memorandum wat AfriForum se besware teen onteiening sonder vergoeding saamvat. Dit het verskeie onderafdelings en sit die besware redelik in besonderhede uiteen.

Tweedens is daar die petisie teen onteiening sonder vergoeding, met die handtekeninge van die 250 000 mense wat dit onderteken het. Derdens het AfriForum ‘n verslag oor grondbesit oorhandig aan die ad hoc-komitee wat die kwessie ondersoek.

Die ad hoc-komitee, wat uit LP’s van verskillende partye bestaan, met Vincent Smith van die ANC in die stoel, het tot Augustus om die wenslikheid van onteiening sonder vergoeding, en ‘n moontlike verandering van die eiendomsklousule (artikel 25 van die Grondwet) om dit makliker te maak, te ondersoek. Die publiek het tot 15 Junie (Vrydag) om skriftelike voorleggings aan die ad hoc-komitee te doen.

Dit lyk tot dusver asof die meeste individuele voorleggings wat die parlement sedert die ontstaan van die huidige grondwetlike bestel oor enige kwessie ontvang het, oor onteiening sonder vergoeding ontvang is.

Volgens Roets het AfriForum ook drie briewe aan die ad hoc-komitee gerig. Die eerste is ‘n algemene dekbrief oor onteiening sonder vergoeding, die tweede is ‘n versoek om ook mondelinge voorleggings in die parlement te doen oor die onderwerp en die derde is ‘n regsmening oor die ontoereikendheid van die proses van openbare deelname wat tans gevolg word.

Volgens Roets meen AfriForum die proses wat tans gevolg word, is problematies, maar die organisasie meen mens moet maar in elk geval daaraan deelneem. “President Ramaphosa se stellings oor onteiening, en sommige komiteelede se klagtes oor AfriForum se deelname aan die proses laat egter vrae oor die grondwetlike geldigheid van die proses ontstaan,” het Roets gesê. Hy meen die regering se voorneme om onteiening sonder vergoeding moontlik te maak is geskoei op ’n verdraaide beeld van die verlede, ’n bedrieglike grondoudit en ’n verwronge begrip van basiese ekonomiese beginsels.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
koorsblaar

tyd mors. was enige huidige grond eienaar berrokke by die stiksiendes wie desryds apartheid ingestel het? maar ramaphoza wat veronderstel is im n geleerde man en nofal n wetsgeleerde het ingeval by die eff se begeerte im blankes te straf en te verneder oor die voorvaders hulle grond aan blankes verkwansel het. hoe belaglik tof.

Joshua

Hou asb tog net die ANC se AGRI broeders weg van hierdie Verslag.

Kaufman

Ons moet asseblief almal ook skryf voor vrydag. Waarheen kan ons ons briewe stuur? Dankie AFRIFORUM vir julle goeie werk.

Nuus van IMF

Ek lees nounet die IMF het nou ons regering gevra om planne vir grondhervirming duidelik uiteen te sit om onsekerheid te stop.

rollie

Dis nou die regte manier om dinge te doen, hardloop later oorsee as dinge verkeerd loop. Welgedaan.