AfriForum en gemeenskap laat grondgrypers op hul neuse kyk

Foto verskaf deur AfriForum

AfriForum het in samewerking met rolspelers in die Witrivier-distrik weereens ’n poging tot onregmatige grondbesetting die nekhou toegedien.

Dít volg nadat ’n dringende hofbevel op 28 Augustus 2019 bekom is teen ’n groot groep mense wat Gustav Kruger se grond onwettig betree en begin het om strukture op te rig. Kruger het gepoog om ’n saak teen die betreders aanhangig te maak, maar die polisie in Witrivier het aanvanklik geweier om die klagte te aanvaar. Ná volgehoue druk het die polisie ’n saak geopen, maar nie die nodige stappe gedoen om die misdrywe hok te slaan en Kruger se eiendom te beskerm nie.

AfriForum, privaat sekuriteitsmaatskappye en ander rolspelers het op Kruger se versoek ingetree en die gebied beveilig deur onder meer beplanningsessies, observasieposte en intensiewe patrollies. AfriForum het ook die Rooimiere betrek en die strukture op Kruger se grond is Donderdagoggend verwyder.

“Die SAPD se toenemende versuim om die eienaar van die grond wat onregmatig van hom/haar ontneem word, by te staan, is vreesaanjaend,” sê Marnus Kamfer, AfriForum se regs-en-risikobestuurder vir gemeenskapsveiligheid. “AfriForum is reeds besig om met sy regspan te konsulteer om, soos in ander gevalle van versuim, die SAPD en die minister van polisie verantwoordelik te hou vir die kostes om die betreders en hul onvoltooide strukture te verwyder.”

Hillel Coetzer, AfriForum se veiligheidshoof vir die noordstreek, het bygevoeg die feit dat die gemeenskap mekaar ondersteun het, het grotendeels bygedra tot die sukses wat vandag bereik is. “Die beskerming van eiendomsregte bly ’n groot prioriteit vir AfriForum. AfriForum sal volhou om hierdie reg op alle gebiede te beskerm.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Christa

Verkoop daardie structure sodat daarmee skade betaal Kan word

ww

Sluit aan by AfriForum, ek is bly om ‘n lid te wees, dankie vir julle

Johanna Botha

Polisie is USELESSSS !

aj

Wanneer die staat weier of nalaat om persone of eiendom te beskerm het die staat sy outoriteit oor burgers verbeur. Sulke burgers behoort hulself te verklaar as staatlose burgers wat van beskerming deur die VN afhanklik is.

Manie van Worcester

Dankie Afriforum, julle sal nog die land red lyk dit my