AfriForum en SAIRV stel misdaadverslag bekend

Frans Cronje en Ian Cameron (Foto: AfriForum)

Frans Cronje en Ian Cameron (Foto: AfriForum)

Die burgerregte-organisasie AfriForum in samewerking met die Suid-Afrikaanse Instituut vir Rasseverhoudings (SAIRV) het Dinsdag ’n verslag, “Hoe om die oorlog teen misdaad in Suid-Afrika te wen: ʼn Nuwe benadering tot gemeenskapspolisiëring”, bekend gestel.

Hierdie verslag bied antwoorde op die vrae wat deur die bekendmaking van verlede week se skokkende misdaadstatistiek ontstaan het.

Volgens Ian Cameron, AfriForum se hoof van gemeenskapsveiligheid, word drie vorms van selfbeskerming in gemeenskappe, wat binne die raamwerk van die Grondwet val, in dié verslag ondersoek.

Cameron sê voorts dat die belangrikheid van vennootskappe tussen die plaaslike Suid-Afrikaanse Polisiediens (SAPD), gemeenskappe en privaat sekuriteitsmaatskappye in die toekoms beklemtoon moet word. “Lt.genl. Khomotso Phahlane, waarnemende nasionale polisiekommissaris, se Back To Basics-strategie kan slegs suksesvol wees wanneer dit in samewerking met gemeenskappe uitgevoer word. Sodoende kan ’n daadwerklike poging om gemeenskapstrukture te herbou dus lei tot ’n drastiese afname in misdaad,” het Cameron verduidelik.

“AfriForum se Eliot-model kan as ’n voorbeeld van só ’n samewerkingsooreenkoms wat uit die gemeenskap ontstaan het, dien. Koalisies is tussen die inwoners van die townships en die boere van die Eliot-omgewing gevorm en dié twee partye saam het ’n uiters suksesvolle buurtwag gestig. Hierdie koalisie kan dalk deur sommige mense as naïef beskou word, maar opnames toon dat Suid-Afrikaners van alle rasse verenig is in hul woede oor swak polisiëring. Dít skep interessante vooruitsigte vir koalisies, veral in klein dorpies en werkersklasomgewings waar mense van alle rasse reeds naby mekaar leef,” het Cameron bygevoeg.

Lees die volledige verslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Lance

Kyk asb na dit ….op die stadiun kan enige iets help of beter wees as wat huidiglik net GLADIE werk nie !

humor

Dankie AfriForum en SAIRV Ons waardeer dit woes. Ek glo egter voordat die proses goed sal werk, sal daar n suiwering in die SAP moet kom. Dit behoort preoriteit 1 te wees. Soos sake nou staan kan daar verraad plaasvind en lelik in die rug gesteek word,

Koos

Waar kry ek n afskrif in die hande vir ons boere vereniging?

danie

Jh weet as ek sulke goed hoor dan wonder ek , as die gewone ou op die straat hom self moet polisieer, waarvoor is daar dan polisie, meskien moet die polisie hulle werk begin doen. Dan hoef ons nie allerhande planne te maak nie.

Johann Marx

Plaas laat die burger-regte groepe begin om die regering te motiveer om hulle werk te doen in plaas daarvan om hulle lede te motiveer om alles SELF te doen…..maar aanhou om die regering met belasting te motiveer om te onder presteer…..Hierdie is een van die min lande in die wêreld wat hulle regering beloon om hopeloos te wees….want die regering het laaaaaankal uitgevind as hulle hulle verpligting versuim….die witmense sal inspring en die “self doen”.