AfriForum herstel 15 990 slaggate teen byna R2,5 miljoen

slaggatDie burgerregte-organisasie AfriForum het gedurende sy nasionale slaggatmaand in Mei vanjaar bykans 16 000 slaggate teen R2 479 000 landwyd herstel.

Al AfriForum se takke het aan dié veldtog deelgeneem en meer as 636 ton teer is gebruik om die herstelwerk te voltooi.

Volgens Marcus Pawson, hoof van plaaslike regering by AfriForum, het die organisasie aanvanklik beplan om 12 000 slaggate teen R2 miljoen te herstel, maar gedurende die verloop van die veldtog gesien dat groter ingryping nodig is.

Pawson sê voorts dat dié veldtog AfriForum se tweeledige strategie, naamlik selfdoen en staatsonafhanklikheid, in gemeenskappe versterk het. “Die strategie behels onder meer dat AfriForum se takke die staat verantwoordelik moet hou om dienste te lewer. Ons takke moet verder sorg dat gemeenskappe selfstandig word deur onder meer selfdoeninisiatiewe. Om dít te bereik, is regsprosesse teen munisipaliteite dikwels nodig.”

Pawson sê dat munisipaliteite dikwels verskillend op aanmanings en regsaksies reageer. “Sommige munisipaliteite het voor die afskop van die projek positief op AfriForum se aanmanings gereageer en slaggate óf self herstel óf hul samewerking aan die organisasie gebied. Regsaksie sal teen munisipaliteite wat AfriForum se aanmanings geïgnoreer het, geneem word en alle uitgawes sal teruggeëis word.”

Munisipaliteite wat in reaksie op AfriForum se aanmanings slaggate herstel het, het na raming sowat R1,4 miljoen bestee en 5 638 slaggate reggemaak.
“Ons hoop dat hierdie en soortgelyke veldtogte ʼn positiewe kopskuif by lede van die gemeenskap sal bewerkstellig en tot ʼn verbetering in munisipale dienslewering, asook ʼn verhoging in selfdoenprojekte sal lei,” sê Pawson.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
vermeende

Baie goeie en mooi gebaar maar kon die geld nie beter spamdeer gewees het in die hof om owerhede te vorseer om hulle werk te doen nie?
Nou sit n hoop mense met grawe in die hand wat inkomste verdien maar nie werk nie en so ondersteun ons die owerhede om goed te lyk.
Waarvoor betaal ons lisensie geld?……..o-ja vir daai wel en hard verdiende bonus!

Knapie

So, as my wiskunde my nie in die steek laat nie kos dit afriforum gemiddeld R155 per slaggat om dit te herstel. Verbystetend dat die owerhede eerder wag totdat die pronleem so groot word dat dit miljoene kos voordat hulle aandag daaraan skenk.

Dit is veel beter om aandag te skenk aan klein slaggate voordat hulle die ryvlak verwoes.

Lida

Afriforum moet nou net die rekening vir die betrokke Munisipaliteite stuur om sodoende hulle geld terug te kry. Hulle het mos ‘n begroting geky en ek voel dit is niks meer as reg om Afriforum te vergoed vir hul goeie werk nie. Maar nou-ja daardie geld is ook seker lankal gesteel. Kry dan ‘n hofbevel om hulle te verplig om te betaal vir werk wat deur ander gedoen is.

Johann Marx

Ons sal ALLES self doen in ons woonbuurt……GEE TERUG MY ERFBETLASTING!! Ek kan nie vir’n diens betaal, en dan die werk self doen nie….Nie een van my kliënte wil my betaal, en dan self doen waarvoor hy my betaal het nie. Hoekom werk dit so met die munisipaliteite?

wilma

Hoekom hetAfriforum dit gedoen