AfriForum hof toe oor Malema-beslissing

Julius Malema buite die konstitusionele hof in Johannesburg. Foto: ANA

Die burgerregtegroep AfriForum sê hy gaan die bevinding van die Menseregtekommissie (MRK) dat EFF-leier Julius Malema se uitsprake teen wit mense nie op haatspraak neerkom nie in die hof betwis.

Die organisasie sê dit is kommerwekkend dat die MRK blatante haatspraak en die aanhitsing van geweld teen ’n minderheidsgroep met sy uitsprake regverdig.

AfriForum sê Malema het in 2016 die volgende oor wit mense gesê: “… They found peaceful Africans here. They killed them. They slaughtered them like animals. We are not calling for the slaughtering of white people, at least for now. What we are calling for is the peaceful occupation of the land and we don’t owe anyone an apology for that.”

Die organisasie sê die MRK gee in sy bevinding oor Malema se uitspraak toe dat die stelling wit mense kritiseer en dat dit sommige wit mense aanstoot kan gee.

“Volgens die MRK se uitspraak is dit verder belangrik om die feitlike, sosiale en historiese konteks waarin Malema sy uitspraak gemaak het, in ag te neem, asook dat die identiteit van die groep wat deur sy uitlating geteiken word, aan ’n kwesbare groep moet behoort. Die MRK steun ook op ’n hofuitspraak wat bepaal dat kwesbare groepe toegelaat moet word om hul woede en pyn uit te druk deur middel van die gebruik van kragtige woorde.

“Hiermee insinueer die MRK dat wit mense nie ’n kwesbare groep is nie, ondanks die feit dat hierdie groep ’n minderheidsgroep in Suid-Afrika is. Dit is ook kommerwekkend dat die MRK aanvoer dat individue van sekere rasgroepe toegelaat moet word om rassistiese dinge kwyt te raak, mits dit in die regte konteks gedoen word,” het Ernst Roets, adjunk- uitvoerende hoof van AfriForum, gesê.

Roets het gesê die MRK se uitspraak is in teenstelling met ’n werksdokument van die Verenigde Nasies se Werksgroep oor Minderhede wat bepaal dat minderheidstatus nie van armoede afhanklik is nie.

AfriForum het gesê daar kan nie toegelaat word dat individue met politieke mag, soos Malema, wegkom met rassistiese uitlatings nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Anoniem

Dan moet Vicky Momberg ook vrygelaat word dan is dit ook nie rasisties nie !!!!!!!!

leser

Doen dit asb – want lyk my die MRK is bang vir Julias.

Brutus

MRK is nie te vertrou nie en veroorsaak self verdeeltheid met hul absurde uitsprake en bevindings hul gooi meer petrol op die vuur maar besef dit nie.

Hasie

As die regering vir Malema en daai ou van die blf elk ‘n kaartjie koop Mars toe, sal dit nie ‘n oordeelsfout wees nie. Dan het die regering ook iets reg gedoen en dal daar baie meer vrede in SA wees.

Ja Nee

In SA kan net blankes rasisties wees, histories verdien ons dit mos.