AfriForum se haatspraaksaak teen BLF duur voort

Andile Mnxitana, leier van die BLF (September 2019) (Foto: Mia Slabbert)

AfriForum was Woensdag in die gelykheidshof in Johannesburg in die burgerregteorganisasie se haatspraaksaak teen Black First Land First (BLF) en dié organisasie se leier, Andile Mngxitama.

Die hofsaak is onbepaald uitgestel omdat verrigtinge nie vandag voltooi kon word nie. Die hof sal binnekort ’n hofdatum vasstel.

Die saak het vandag begin met beeldmateriaal van Mngxitama se toespraak, sowel as ’n video van ’n plaasaanvalslagoffer wat haar storie vertel. Daarna het Ernst Roets, AfriForum se hoof van beleid en aksie, as deskundige getuie sy getuienis in die hof begin.

“Volgens AfriForum is hierdie ’n duidelike voorbeeld van haatspraak,” het Roets gesê. “Hoewel ’n organisasie soos BLF se steun weglaatbaar klein is, is dit belangrik om ’n boodskap uit te stuur dat mense wat hulself as verhewe bo die reg beskou, nie met sulke tipe uitsprake kan wegkom nie.”

AfriForum het in Desember 2018 klagtes teen Mngxitama ingedien nadat hy tydens ’n toespraak in Potchefstroom die moord op wit mense aangehits en plaasaanvalle aangemoedig het.

“We’ll kill their children. We’ll kill their women. We’ll kill anything that we find on our way… We’ll kill their dogs. We’ll kill their cats. We’ll kill anything that comes before us,” het Mngxitama onder meer gesê. Hy het aangevoer dat sy organisasie vyf wit mense sal vermoor elke keer wanneer ’n swart persoon in Suid-Afrika vermoor word. Mngxitama het verder aangevoer dat sy organisasie besig is om 50 000 soldate vir hierdie doel te mobiliseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Johann cb

Hoe meer publisiteit haatspraak geniet, hoe erger gaan die situasies word!

HP

En as hulle in die agtergrond 50 000 militante oplei – is ons gereed?

Tresia

En waar sal hulle die geld kry en hoe sal hulle die logistiek hanteer om 50 000 troepe te bestuur .Hulle is n klomp narre niemand glo hulle nie

HPV

Nou praat jy!

Scalla

Ons moet weer begin fiets ry!!