AfriForum skep aanlyn sakeplatform vir kleinsakeondernemings

Kallie Kriel, uitvoerende hoof van AfriForum. (Foto: AfriForum)

Die burgerregteorganisasie AfriForum het ’n veldtog van stapel gestuur om die publiek aan te moedig om klein en mediumgrootte ondernemings in hul plaaslike gemeenskappe met hul koopkrag te ondersteun. Dié platform is in die besonder vir ondernemings wat nie hulp van die regering kry nie. Die stap volg te midde van die Covid-19-krisis se negatiewe uitwerking op kleinsakeondernemings en die regering se gebruik van ras as maatstaf om met Covid-19-hulp teen minderhede se sakeondernemings te diskrimineer.

AfriForum het reeds ’n aanlyn sakeplatform by www.afriforumnetwerk.co.za geskep. Sake-eienaars kan hul ondernemings gratis op AfriForum Netwerk lys, terwyl verbruikers ook gratis op dié platform kan soek na verskillende kategorieë van sakeondernemings in hul plaaslike gemeenskappe.

Volgens Kallie Kriel, uitvoerende hoof van AfriForum, is die groot getal sakeondernemings wat op AfriForum Netwerk geregistreer is, ’n aanduiding van die groot druk waaronder kleinsakeondernemings tans verkeer, asook van die behoefte aan hulp. Sedert die begin van die inperking het die getal ondernemings op dié platform tot meer as 10 000 toegeneem. “Lede van minderheidsgemeenskappe besef ook toenemend dat ons onsself en mekaar sal moet begin help as die regering nie minderhede se sakeondernemings wil help nie,” sê Kriel.

Die konstitusionele hof. (Foto: Ashraf Hendricks)

Die hooggeregshof het AfriForum en Solidariteit se aansoek om die gebruik van ras as kriterium in die toekenning van hulpfondse deur die departement van toerisme ongeldig te verklaar, van die hand gewys.

Die konstitusionele hof het Solidariteit se versoek om verlof tot appèl van dié beslissing Vrydag van die hand gewys. AfriForum wag nog vir dié hof se uitspraak in ʼn soortgelyke aansoek.

Kriel wys daarop dat steun vir plaaslike ondernemings sal help om gemeenskappe op verskeie wyses te versterk. “Die oproep om plaaslike ondernemings te ondersteun word nie net deur sentiment gedryf nie, maar ook met die wete dat daar baie plaaslike ondernemings is wat gehalteprodukte en -dienste lewer.” Volgens Kriel is daar ook ter wille van gehaltebeheer ’n funksie op AfriForum Netwerk waar verbruikers terugvoer kan verskaf oor die dienste of produkte wat hulle van ’n gelyste sakeonderneming ontvang het.

AfriForum Netwerk word gratis aangebied, omdat die doel van die webwerf is om optimale voordeel vir sowel sakeondernemings as verbruikers in gemeenskappe in te hou. “Die helpmekaar-ingesteldheid het ons voorgeslagte deur verskeie krisisse gedra. Daar is dus geen rede waarom ons geslag nie ook die Covid-19-uitdagings met ’n helpmekaar-ingesteldheid kan oorkom nie,” sê Kriel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Hendrik

Die ANC regering is nou besig om die laaste geld wat daar is te versprei om die volgende verkiesing te probeer wen. As minderheids maatskappye net minderheids bevolking indiens het en hul belasting weerhou gaan meerderheid baie gou in moeilikheid wees

Wit Willem

Die Boervolk sal weer opstaan soos talle maal in die geskiedenis. Ons moet eenvoudig nou saamstaan en behoorlik beplan. Die meerderheid is te geldgierig en magsbehep om ons te sien kom.

Charles

Dankie vir die aanlyn sakeplatvorm. Ek het dit reeds gebruik om n spesifieke besigheid te soek. Die soek funksie is egter nie baie gebruikers vriendelik nie. Dit gee jou bv 400 besighede in n ry op jou vraag. Vandaar rol jy af tot jy een kry en hom oopmaak vir besonderhede di. No 200. As jy terug gaan om verder te soek begin jy elke keer weer by no. 1. Dit vat nogal lank om elke keer deur almal te gaan en een te vind wat jy soek op no 396. Dit sal gaaf wees as jul die siekfunksie kan… Lees meer »

Piet

Dit is nie die hof wat Solidariteit se verlof tot appel geweier het nie. Dit is die ANC, want hulle beheer die howe.

Frans

Wit mense se altyd dis nou die tyd om sam te staan ma doen dit nie wel my busnes het ok nou n wwweee states geword net wit sal da werk