AfriForum verwelkom hulp vir Schweizer-juffrou

Elana Barkhuizen. Foto: Verskaf

AfriForum is ingenome met die vakbond Solidariteit se besluit om Elana Barkhuizen met regshulp by te staan nadat sy verlede Woensdag geskors is.

Dié optrede deur Noordwes se onderwysdepartement volg nadat ’n foto wat Barkhuizen van ’n ander klas geneem het, soos ’n veldbrand in die sosiale media versprei het.

Dr. Dirk Hermann, bestuurshoof van Solidariteit, sê “’n briljante, geliefde” onderwyseres is “oornag deur ’n boendoehof verguis”.

“Elana Barkhuizen, ’n beheerliggaamaanstelling, is bekend vir haar sagte hart en vir die toebroodjies wat sy daagliks vir alle honger kinders skool toe gebring het – ongeag hul ras,” sê Hermann. “Sy is boonop onwettig geskors aangesien sy nie in diens van die LUR of die staat staan nie.”

’n Onskuldige onderwyseres se beeld en aansien is geskend.

“AfriForum is dankbaar dat Solidariteit ’n nederige, kwesbare onderwyseres bygestaan het nadat die regering, politieke partye en sosiale media ’n onskuldige foto uit verband geruk en as blatante rassisme geëtiketteer het,” sê Carien Bloem, AfriForum se projekkoördineerder vir onderwys.

“Nie net is klein kinders deur hierdie traumatiese gebeurtenis geraak nie; ’n onskuldige onderwyseres se beeld en aansien is geskend.”

AfriForum se gemeenskapsveiligheidstrukture patrolleer daagliks die omgewing rondom Laerskool Schweizer-Reneke om die situasie te moniteer en te verseker dat die skool, leerders en onderwysers veilig is.

Ek sal hierdie pad stap. Ek sal my naam skoon kry.

Sy gemeenskapsveiligheidsafdeling het ook bystand aan die skool verleen tydens dié rasseherrie en skorsing. “AfriForum-gemeenskapsveiligheid sal saam met ons lede in dorpe en skole betrokke raak om ons gemeenskappe en skole te beveilig,” sê Ian Cameron, hoof van gemeenskapsveiligheid by AfriForum.

Solidariteit sal vandeesweek ’n dringende hofaansoek teen die LUR en ander betrokkenes bring om die onreg teen Barkhuizen reg te stel.

Barkhuizen het Dinsdag op ʼn mediakonferensie in Centurion ’n verklaring voorgelees waarin sy haar verbintenis tot haar werk, leerders en skool uitgestippel het.

“Ek sal my nie deur enigiemand laat vertel wat my waarde is nie,” het sy gesê. “Ek sal hierdie pad stap. Ek sal my naam skoon kry. Ek sal hierdie magtige mense aanvat en wen. Ek sal seker maak dat niemand ooit weer deurgaan wat ek nou deurmaak nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

81 Kommentare

jongste oudste gewildste
Pierre

Toe raak die toebroodtjies op

Paul

Ek bid Elana sterkte en voorspoed toe met haar voorneme in hierdie rasbehepte land.

JohanC

Ek het dit reeds gesë-maar DIS LEKKER OM DIT WEER TE SÊ

EK salueer Solidariteit en Elana

En Elana byt net vas -hier gaan die “lelike eendjie” nog verander in die MOOISTE SWAAN

Alta Smit

Baie sterkte. Well done Vir jou om op te staan Vir regverdigheid en om jou Naam in error te herstel. Die Waarheid Kom altyd uit, ongeag wat toegesmeer probeer word. Bid Vir jou

Anoniem

Ystervrou deur Jesus wat HAAR krag sal gee om die b o o s h e i d te oorwin ! Trots op Jou Juffrou wat Mamma, Vrou en Juffrou IS

Broodjie Juffou ! STERKTE ???