Afrikaanse sanger, oud-Bok deel van vanjaar se Strictly Come Dancing

ʼn Afrikaanse sanger en ʼn oud-Springbokrugbyspeler is onder die tien bekendes wat aan vanjaar se seisoen van die TV-reeks Strictly Come Dancing deelneem.

Die sanger Karlien van Jaarsveld en oud-rugbyspeler Gary Botha neem aan die 8ste seisoen van die gewilde program deel. Die nuwe seisoen begin Vrydag 5 Junie om 19:30 op SABC3.

Die ander deelnemers is Nkululeko Tshirambula van Muvhango; die kletsrymer Siya “Slikour” Metane; die sokkerspeler Stanton Fredricks; akteur en komediant Jason Goliath; die radio-omroeper Pearl Modiadie; die 5FM-radiopersoonlikheid Sureshnie Rider; die Espresso-aanbieder Leigh-Anne Williams en die bekende TV-aanbieder Bridget Masinga.

Katlego Maboe en Roxy Burger is vanjaar se aanbieders terwyl Michael Wentink, Tebogo Kgobokoe en Samantha Peo die dansers sal beoordeel.

 

Bekende:	Dansmaat
Pearl Modiadie	Grant Louis Esterhuizen
Sureshnie Rider	Obed Mokokodi Mofoleng
Leigh-Anne Williams	Johannes Radebe
Karlien Van Jaarsveld	Devon Leigh Snell
Bridget Masinga	Dennis Sifiso Maseko
Nkululeko Tshirambula	Nombulelo Hlathi
Gary Botha	Jeanné Michelle Swart
Siya “Slikour” Metane	Michelle Leigh Oppenshaw
Stanton Fredricks	Erin Musson
Jason Goliath	Samantha Bele Viana