Afsondering: Bystand ná vermoedelik onregmatige inhegtenisnemings

(Foto: SA Polisie/Facebook)

AfriForum het ’n regspan aangestel om twee slagoffers van vermoedelik onregmatige inhegtenisnemings, wat tydens die landwye afsonderingsperiode plaasgevind het, in hulle onderskeie sake by te staan.

In die eerste voorval is ’n man met ’n geldige permit deur die SAPD afgetrek en op grond van ivoorverwante-oortredings in hegtenis geneem omdat hy ’n paar ou koedoehorings in sy voertuig se kattebak gehad het.

In ’n ander voorval is ’n persoon in hegtenis geneem omdat hy sigarette in sy besit gehad het waarvoor hy nie ’n bewys van aankoop kon toon nie.

“’n Groot aantal lede van die wetstoepassingsowerheid het tydens die afsonderingsperiode hul gebrek aan kennis rakende die heersende regulasies by verskeie geleenthede ten toon gestel,” sê Marnus Kamfer, AfriForum se regs-en-risikobestuurder vir gemeenskapsveiligheid, in ʼn verklaring.

(Foto: SAPD/Facebook)

“In baie gevalle is die polisielede bloot kwaadwillig en geniepsig. Ons het besluit om dié twee sake aan te pak onder meer met die doel om SAPD-lede en ander wetstoepassingsbeamptes te laat les opsê vir die onregmatige wyse waarop hulle burgers hanteer.”

Die SAPD het op 19 Mei 2020 ’n dokument aan polisiestasies uitgereik wat sy lede opnuut verwittig het van wanneer inhegtenisnemings en geweld toegepas kan word, voeg Kamfer by. “Die dokument stel ook pertinent dat lede wat nie die regte prosedures volg nie, persoonlik verantwoordelik gehou sal word vir enige vergoeding wat die SAPD vir dié lede se wangedrag moet opdok.

“Ons hoop om ’n presedent te skep wat wetstoepassingsbeamptes twee keer sal laat dink voordat hulle burgers boelie en magsmisbruik toepas.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Pieter

N vriend van my is n polisie man hy het iemand onregmatig toe gesluit. Hy het die hof saak veroor die dag as hy op pension gaan dan gaan die SAP daai geld af trek wat hulle moes betaal het. Stem saam vat hulle geld hulle dink hulle kan maak nes hulle wil

PieterP

Hou die lede persoonlik verantwoordelik reken die dokument. Goed maar nou: 1. Die konstabels is net so deurmekaar soos die die res van ons oor al die ministers se uitlatings. 2. Dit blyk dat die vlak van opleiding em dissipline net nie meer is wat dit was nie en dus is hulle eie opinie dikwels verkeerd. 3. As die minister so gesê het dan moet dit mos wet wees. Nee toe nie, Gaan vat julle pak en dan dagvaar julle vir Cele vir sy eie wette wat hy so on the fly uitdink. Dagvaar vir waarvoor jy nou persoonlik annspreeklik… Lees meer »

Koos

Jammer om te se maar 80 % van die SAPD is onbevoeg om hul werk te doen en steek dit weg met sulke onodige dom optredes.

Jaco

En daar gaan natuurlik geluister word na ‘n “wit Afrikaanse rassistiese manlik gedomineerde” organisasie. Dia hoe ons owerhede Afriforum beskryf. Hulle hou nie van ons nie.

Michael 1

Dit sal definitief n afskrikmiddel wees om die arogantheid van die meeste polisie lede in uniform te bekamp,en dit is nodig weens die swak opleiding wat hulle kry en die ongedisiplineerde mense wat aangestel word .