Afsondering: Ramaphosa spreek SA Woensdagaand toe

Pres. Cyril Ramaphosa. (Foto: Elmond Jiyane,/GCIS)

Die presidensie het bevestig dat pres. Cyril Ramaphosa die land Woensdagaand om 20:30 gaan toespreek.

Ramaphosa het amper drie weke laas die land, wat weens die Covid-19-pandemie en die ekonomiese uitwerking daarvan bykans op sy knieë gedwing is, toegespreek.

“Die president se toespraak volg op ʼn rits vergaderings met die kabinet en die nasionale koronavirus-bevelraad,” het die presidensie ʼn kort rukkie gelede gesê.

Die DA-leier, John Steenhuisen, het Dinsdag gesê dit is hoog tyd dat Ramaphosa “ophou wegkruip” en Suid-Afrikaners oor die toenemende afsonderingskrisis toespreek.

“Sedert sy aankondiging oor die afwenteling na vlak 4 van die afsonderingstydperk, was die president nêrens te sien nie en het hy dit aan ʼn handvol ministers oorgelaat om die twyfelagtige besluite van die bevelraad oor te dra,” het Steenhuisen gesê.

Steenhuisen het gevra dat Ramaphosa die land minstens een keer per week toespreek en ook dat hy die data bekend maak waarop die voortgesette afsondering gegrond word. Hy vra dat dié data inligting soos die ouderdom, MIV-status en ander toestande van slagoffers insluit.

“Elke dag wat ons ekonomie gesluit bly, kos die lande miljarde rande. Sedert die president die laaste keer ʼn toespraak gelewer het, moes groot getalle ondernemings hul deure sluit en is duisende meer Suid-Afrikaners sonder werk en ʼn inkomste gelaat,” het Steenhuisen gesê.

Steenhuisen het gesê Ramaphosa moet aan 58 miljoen Suid-Afrikaanse burgers – nie onderdane nie – verantwoording doen.

“Hy het ʼn plig om voor hulle te verskyn en te verduidelik nie net wat sy regering doen om hul lewens en inkomste te beskerm nie, maar ook hoekom.”

Hou Maroela Media dop vir meer inligting oor Ramaphosa se toespraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Kosie

Ek is seker daar is ‘n menigte Cirofiele wat nie kan wag vir sy woorde van diepe wysheid vanaand nie. Ongelukkig is ek van mening dat die man homself oor en oor al bewys het as ‘n blatante leuenaar, so ek sal nou nie juis my asem ophou vir wat hy vanaand weer alles gaan kwytraak nie. Weereens ‘n geval van waar dit hom nie direk raak nie, want sy myne is oop en hy kry sy salaris, maar jy, jan publiek, moet maar self sien kom klaar oor ‘n die virus sprokie. Vir die wat nog alkohol besit, een… Lees meer »

Jan

Ja hoogtyd dat hy sy geld verdien

Termiet

Hulle behandel ons soos mushrooms, hou ons in die donker en voer ons ‘n klompe snert.

Boortor

Ja nee kyk…vanaand sal ons weer liegstories hoor tot ons ore tuit!! Weet ook nie hoekom hy wil praat nie. Wat wil hy se? Dat al hierdie simpel goed op ” eksperte” insette gebasseer is? BHA!! PFFFT!!!!!

Sharnelle

Hoogtyd dat die ja broer begin self praat.