Afsondering: Soveel al vas oor regulasies   

Minister Bheki Cele. (Foto: Jairus Mmutle/GCIS)

Meer as 243 000 Suid-Afrikaners is reeds deur die polisie in hegtenis geneem weens die oortreding van die afsonderingstydperk se regulasies.

Bheki Cele, minister van polisie, het Donderdag tydens ‘n mediakonferensie gesê sowat 241 000 van dié sake was reeds voor die hof, waar dit uitgestel is vir verhoor. Die groot getal inhegtenisnemings skep volgens die minister ʼn ernstige en onverwagse probleem aangesien die oortreding van die afsonderingsregulasies tans ʼn kriminele oortreding is.

Vreemd genoeg is daar ʼn bykans direkte ooreenkoms tussen die gebiede waar die meeste mense in hegtenis geneem is, en die plekke met die meeste Covid-19 gevalle.

In die Wes-Kaap is sowat 57 000 mense tot dusver in hegtenis geneem, in Gauteng omtrent 40 000, in die Vrystaat 36 000 en in KwaZulu-Natal 27 000.

“Ons kan egter nie toesien dat honderdduisende Suid-Afrikaners wat tot dusver ʼn skoon rekord het, nou ʼn kriminele rekord kry nie want die gevolge vir die res van hul lewe is baie negatief. Ons sal dus moet differensieer tussen ernstige oortredings en ligte oortredings voordat die verhore begin,” het Cele gesê.

Tydens vlak 3 mag distrik- en provinsiale grense steeds net oorgesteek word deur diegene wat dit op vlak 5 en 4 ook kon doen – slegs diegene wat amptelik deur die staat as noodsaaklike werkers geklassifiseer is en ʼn amptelike regeringspermit byderhand het om dit te bewys (en hulle mag slegs daardie grense oorsteek om werkverwante redes).

(Foto: SA Polisie/Facebook)

Vir die res bly provinsiale en distriksgrense gesluit, en enigeen wat dié grense wederregtelik oorsteek sal in hegtenis geneem word en gestraf word met ʼn boete van R2 000, ses maande tronkstraf of albei.

Mense met ernstige siektes, dié wat verhuis, begrafnisse moet bywoon of moet terugkeer huis toe nadat die staat hulle elders in kwarantyn gehou het, kan ook provinsiale en distriksgrense oorsteek, maar dan moet hulle twee afsonderlike stukke dokumentasie byderhand hê anders sal hulle in hegtenis geneem word.

Eerstens moet ʼn gedetailleerde polisieverklaring uitgereik deur die stasiebevelvoerder van die gebied waar die reis begin, asook die permit wat in die Staatskoerant gepubliseer is, fisiek byderhand wees sowel as alle amptelike bewyse van die beweerde redes vir die reis (doktersverklaring en presiese hospitaalafspraak in geval van ernstige siekte, verkoopkontrak en koopkontrak in geval van verhuising, en amptelike skriftelike bevestiging van die begrafnisondernemer of predikant in geval van begrafnisse).

Geen openbare byeenkomste word op vlak 3 toegelaat nie, behalwe kerkdienste en begrafnisse. Tydens kerkdienste sowel as begrafnisse mag nie meer as 50 mense teenwoordig wees nie. Geen vriendskapsbesoeke, kuiers of familiebesoeke mag plaasvind tydens vlak 3 nie.

In die land se virus-brandpuntgebiede – tans die agt metro’s asook die distriksrade Kaapse Wynland en Illembe (aan die KwaZulu-Natalse Noordkus) – sal patrollies deur die veiligheidsmagte verskerp word. Meer padblokkades en motor-deursoekings lê ook dadelik vir die brandpuntgebiede voor.

Foto: SAPD/Facebook

Benewens hul voortgesette rol in patrollies, padblokkades en die handhawing van openbare orde, gaan weermaglede voortaan op omvattende skaal gebruik word om infrastruktuur vir die voorsiening van water aan huishoudings, ondernemings en instansies te herstel en te installeer vir die gebiede wat nog nooit sulke basiese geriewe gehad het nie.

Die departement van binnelandse sake se kantore is almal oop. Almal van hulle lewer die volgende dienste: geboorteregistrasies, laat geboorteregistrasies, die wetlike voltrekking van huwelike (maar uiteraard geen religieuse of sosiale huweliksgeleenthede (bruilofte) nie, doodsertifikate, aansoeke om identiteitsdokumente, die uitreik en laastens die afhaal van identiteitsdokumente. Geen ander diens mag tans deur kantore van die departement van binnelandse sake verskaf word nie.

Die omvattende regulasies vir howe wat sedert die begin van die grendelstaat geld, bly onveranderd. Onder meer beteken dit in praktyk dat min of meer alle hofsake tans uitgestel word. Daar is enkele kwessies wat howe dadelik en dringend moet hanteer, naamlik enigiets waar korrupsie beweer word, enigiets wat handel oor die koronavirus, enige hofsaak oor die afsonderingsregulasies en enige hofsaak waarin geweldsmisdaad beweer word.

Die regering het by die bevolking gepleit dat elke beweerde voorval van wangedrag deur die polisie of die weermag volledig aangemeld moet word sodat skuldiges swaar gestraf kan word. Dit sluit elke klagte in waar mense meen die polisie of weermag het te sterk taal gebruik jeens die publiek of het te hardhandig/geweldadig opgetree, asook enige bewering van korrupsie of pligsversuim. Klagtes kan ingedien word by die tolvrye nommer 0800-333177, deur ʼn e-pos te stuur na [email protected] of by enige polisiestasie.

Foto: SAPD/Facebook

Op vlak 3 mag daar steeds nie meer as twee mense (die bestuurder en een passasier) in enige passasiersmotor op die pad wees nie.

As die polisie enigiemand opmerk of betrap dat hulle in besit van sigarette is of sigarette rook op enige plek behalwe hul huis of erf, sal hulle onmiddellik deur die polisie gearresteer word, tensy hulle die gedetailleerde kontantstrokie het wat bewys presies waar hulle die sigarette gekoop het, en dat hulle dit voor die begin van die grendelstaat gekoop het.

Alkohol mag op vlak 3 slegs van Maandae tot Donderdae van 09:00 tot 17:00 verkoop word, en slegs deur ondernemings wat formeel en volledig by die owerheid as drankhandelaar geregistreer is. Alkohol mag slegs in die huis of erf gebruik word en dan slegs deur die mense wat op die erf woon – nie deur enige gaste, familie, instappers of genooides nie.

Laastens is daar op vlak 3 geen aandklokreël meer nie, so enigiemand mag te enige tyd op straat wees onder dieselfde gedragsvoorwaardes as wat alledaags en normaal was voor die grendelstaat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Renee

243000.00 in hegtenis geneem vir oortreding van regulasies, kan hy aub vir ons die gatalle wys wat suksesvol
opgelos is vir regte misdade bv moorde, verkragtings, kapings ens ens

Corne123

N vraag moet mens jou masker hele tyd aan het oor jou neus en mond in publiek? sover ek weet ja. Indien dit wel so is .Stel sie voorbeeld en aresteer jouself ook want kyk na jou foto duidelik het jy hom afgetrek dan?

Andre

En hoeveel is al vas vir Staatskaping ???

Verskilmaker Vlakvark

Kan enige Suid-Afrikaner my asseblief inlig of die Suid-Afrikaanse kriminele regstelsel doeltreffend en effektief funksioneer soos gemeet teen welke kriteria?

Karin

Ek is bietjie in die duister. Ons woon op ‘n plot buite die stad, ons val onder Ekurhuleni se munisipaliteit maar Pretoria is ons naaste punt waar ons al ons kos ens koop, mag ek nou nie meer Pretoria toe ry nie omdat dit ‘n ander metro is? Al is dit die naaste aan ons?