Afsonderingsregulasies: Regering gaan appelleer teen uitspraak

Nkosazana Dlamini-Zuma (Foto: ANA)

Die regering is van voornemens om appèl aan te teken teen ʼn hooggeregshofuitspraak vandeesweek wat die afsonderingsregulasies as “ongeldig en onwettig” verklaar het.

Woordvoerder Jackson Mthembu het gesê dié besluit is Donderdag tydens ʼn spesiale kabinetsvergadering geneem. “Ons glo nie enige ander hof sal dieselfde uitspraak lewer nie,” het Mthembu gesê.

Maroela Media het vroeër berig die Pretoriase hooggeregshof het Dinsdag bevind die regering se afsonderingsregulasies vir risikovlak 3 en vlak 4 is ongeldig en ongrondwetlik, maar dit sal steeds vir minstens die volgende 14 dae van krag bly. Risikovlak 3-regulasies bly dus steeds van krag.

“Ons besluitnemingsproses was baie deursigtig en ons het nie enigiets gedoen wat die hof se uitspraak sal regverdig nie. Dit is hoekom ons appèl aanteken,” het Mthembu gesê. “Ons is vol vertroue dat dit wat ons gedoen het, hoe die vlakke saamgestel is, binne die trefwydte van Covid-19 val om lewens te red; dit is wat ons wil doen.”

Volgens hom het talle persone gesê Suid-Afrika vaar baie goed [in die stryd teen die koronavirus].

Die appèl sal by die Pretoriase hooggeregshof ingedien word en van daar waarskynlik na die hoogste hof van appèl oorgeplaas word.

Regter Norman Davies het bepaal die afsonderingsregulasies is ongeldig omdat dit indruis teen die fundamentele regte van Suid-Afrikaners op ʼn manier wat “uitermatig en irrasioneel” is. Hy het gesê die staat het ʼn plig om slegs tot die mees geringe mate moontlik in te druis teen menseregte om die land teen ʼn gesondheidsbedreiging te beskerm.

Davis het gesê dit wil egter voorkom of Nkosazana Dlamini-Zuma, minister van samewerkende regering, ʼn benadering volg dat enigiets geregverdig word.

Die regter het bygevoeg dit is moeilik om regulasies te verstaan soos dié wat die kategorieë kleredrag beperk wat tydens vlak 4 verkoop kon word en skertsend bygevoeg dit is moeilik om te sien hoe die verkope van oop sandale of kortmouhemde kan bydra tot die stryd teen die pandemie.

Hy het gesê die regulasies bepaal ook dat talle persone langs die strand mag oefen, maar as iemand hul voet op die sand sou sit, sal dit tot ʼn “buitensporige” verspreiding van die virus lei.

Davies het die regering twee weke lank kans gegun om die regulasies te wysig.

Die uitspraak was in reaksie op ʼn aansoek tot die nieregeringsorganisasie Liberty Fighters Network en is een van verskeie hofsake waar die regering gedaag word oor die afsonderingsregulasies of ʼn verbod wat op aktiwiteit geplaas is, soos die verkope van tabakprodukte.

Die regering word deur twee afsonderlike hofsake in die gesig gestaar oor die verbod op die verkope van tabakprodukte: een van die Free-Trade Independent Tobacco Association en een van British American Tobacco South Africa.

Mthembu het, in reaksie op ʼn vraag, die deur oopgelaat dat die regering moontlik verdere regulasies in die Wes-Kaap kan toepas, aangesien die provinsie byna tweederdes van Covid-19-infeksies landswyd verteenwoordig.

Pres. Cyril Ramaphosa en gesondheidminister Zweli Mkhize sal Vrydag, saam met ʼn afvaardiging, die voorbereidings van die provinsiale regering in die Wes-Kaap ondersoek.

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

Erica ·

Blablabla ja mors meer belasting geld. Dit kan julle goed doen.

Jaco ·

‘n wit regter lewer uitspraak ten gunste van ‘n wit organisasie. Hier kom nog groot lawaai met beskuldigings van rassisme en “white priviledge”

Alida ·

Nou gaan die poppe dans. Al die hangende sake gaan die dieselfde uitspraak he.

PH ·

Hoe voorspelbaar. Dit beteken dat die status 3 regulasies gaan nog vir baie lank geld

JohanR ·

My mond hang nie oop van verrassing nie. Soe ken ons die slang ANC.

Jacobus ·

Jip – soos ou advertensie gesê het. Elke sigaret ‘n meesterstuk en elke sekond beteken Rand en sent.
Vreet ” while the going is good”!

Anel ·

Noy vir hoe lank wil hulle nou aanhou? Wat se lewens word beskerm? Mense gaan binnekort van honger doodgaan en nie net ‘n paar op’ ‘n dag nie, maar honderde. Die paar wat werklik aan die virus dood is regverdig nie die hongerdood van duisende nie. Dit kom op moord neer en absolute mensereg skending. As’ ‘n ander hof dit gaan goed praat is daar reuse fout in ons regstelsel. Hoop hulle appèl slaag nie of word uit gestel na volgende jaar.

Alleen Wolf ·

Kom ons hoop maar vir ‘n bietjie integriteit by die howe.

Maroela Burger ·

as hulle saak uitgestel word bly die huidige regulasies

Boortor ·

Dit is hoe ons hulle ken. Ek dink almal het geweet hulle gaan appelleer. Stel uit. Woon nie hofsittings by nie. Is siek. Ons is te besig. Kan nie hof toe gaan nie asgv die virus ens ens. Hier sal net mooi niks van kom nie en die inperking(gevangenis) gaan nog lank aanhou. Ons gaan ook niks doen nie want ons is te bang. Kla…ja dit kan ons baie goed doen.

Sarel ·

Wie het anders verwag hulle aanvaar mos geen Nederlaag nie
Van een appel na die ander tot waarskynlik in die Grondwethof

Jan ·

Net soos die anc is apel uitstel apel. So val die pap op die grond. Hulle verniel hulle eie mense. Hoe kan hulle die siekte bekamp as hulle nie die mense kan toets nie. Ek het gedog dat die ingevoerde dokter n haas uit n hoed kom trek het. Shame . Daar is nie pille vir dom mense nie

Alexander ·

Die arrogansie van die spul spreek boekdele. En hierdie keer sal die regbank ook na hul pype dans. Selfvoldaan sal hulle voortgaan om te onderdruk, te stroop en te moor. Die stadig draaiende wiel gaan hulle wel inhaal. Wat jy saai sal jy maai……..

Frikkels ·

Waarteen wil kopdoek appeleer? Sy is die hoof rampokker op die toneel. Die hele regering behoort toegesluit te word vir hulle skelm streke!

gatgogga ·

Covid word ingespan om Fase 2 van Staatskaping te fasiliteer.

henndrik ·

As ‘n wetsgehoorsame burger en belastingbetaler reken ek hulle mag maar appeleer maar indien hulle die appel ook verloor moet dit met persoonlike kostes wees, nie die belastingbetaler se geld nie

Jakes ·

Die uitslae wat daagliks oor die virus aangekondig word moet met n graaf sout geneem word. Meer as 50000 toetse moet nog geprosseseer word en kan tot 12 dae neem om gedoen te word. Laboratoriums word oorval deur toetse en kannie byhou nie. Nogal ironies dat die persentasie mense wat herstel van die virus altyd meer as 50% in SA is terwyl die persentasie globaal minder as 50% is.

Alleen Wolf ·

Hulle kan dit nie hanteer dat ‘n klein groepie hulle op hulle herrie gegee het in die hof nie, as hulle persoonlik aanspreeklik gehou sal word vir die appel aansoek se koste sal hulle dit nie eers oorweeg nie.
EK hoop hulle aansoek MISLUK soos alles waarmee hulle besig is.

Botterblommetjie ·

Dit dalk ‘n onkundige vraag…. Hoe gaan die hof die regering dwing tot enige iets….? Hulle beheer die weermag en “overwrite” alles…. wat gaan gebeur as hulle oor twee weke nie dit verander nie? Wat gaan gebeur as hulle appel slaag…. Vra maar net??? Ons het soos dit is geen regte nie en staan kans om verrykende gevolge te hê…

Riaan ·

Vandag het ek amptelik besluit om geen kommentaar te lewer nie want wat ek in my hart voel sal Maroela media nie plaas nie so ek mag nie se wat ek wil nie maar die hemel weet ek MAG EN SAL DINK WAT EK WIL!!

Maroela Burger ·

Is daar nie deur die regering besluit dat indien jy ouer as 69 is mag jy nie terug keer werk toe nie? Ek sal nogal wil weet hoe oud die ministers is wat sulke onvanpaste besluite neem en goedkeur. Dlamini Zuma is definitief een van hulle.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.