Agri SA: ‘Ons het meer swart boere nodig’

Paul Mashatile, ANC-tesourier, Omri van Zyl, uitvoerende hoof van Agri SA, Maite Nkoana-Mashabane, minister van landelike ontwikkeling en grondhervorming, David Mabuza, adjunkpresident, en Dan Kriek, president van Agri SA. Foto: Twitter via @AgriSAOfficial

Dan Kriek, president van Agri SA, het Donderdag gesê Suid-Afrika het meer swart boere op meer swart plase nodig “op ʼn volhoubare en ordelike manier”.

Kriek het dié uitsprake gemaak tydens Agri SA en Landbouweekblad se twee dag lange grondberaad wat buite Bela-Bela in Limpopo gehou word. Die beraad kom vandag tot ʼn einde.

Volgens Agri SA word die beraad aangebied om oplossings vir landbou-transformasie te vind. Verskeie sprekers het oor die twee dae beraadgangers toegespreek, onder wie suksesvolle swart boere wat hul ervarings kom deel het.

Kriek het Donderdag by die beraad gesê Suid-Afrika ervaar ʼn politieke dilemma weens apartheidsonderdrukking en die diskriminerende praktyke van die verlede. Volgens Kriek lê die oplossing daarin “om ʼn hand van vriendskap en samewerking na die regering en ons medeboere uit te reik”.

Kriek het gesê daar moet ʼn plan bedink word om grond vir behuising in stedelike gebiede, asook grond vir industrialisasie en boerdery te verskaf. “Ons het meer swart boere op meer swart plase nodig op ʼn volhoubare en ordelike manier. Ons kan nie onsself uit die moeilikheid onteien nie, ons moet onsself daaruit ontwikkel.”

Oor David Mabuza, adjunkpresident, se stelling vroeër die dag dat die regering nie ten gunste is van onwettige grondgryping nie, het Kriek gesê dié verbintenis is bemoedigend. “Agri SA verwelkom die uitnodiging van die adjunkpresident om deel van ʼn interministeriële komitee oor grondhervorming te wees. Dit beteken dat georganiseerde landbou ʼn oorsig van die beraadslagings in die komitee sal kry.”

Maroela Media het vroeër berig Mabuza het gesê die regering se grondhervormingsproses hou geen direkte bedreiging vir die landboubedryf of die ekonomie in sy geheel in nie. “Ons boere moet aanhou om hard te werk, in hul plase te belê en produksie te vermeerder, terwyl hulle terselfdertyd ʼn hand van samewerking na die regering reik om te verseker dat al hoe meer Suid-Afrikaners deur georganiseerde en sistematiese toegang tot grond deel van die bedryf kan word,” het hy gesê.

Kriek sê Agri SA sien daarna uit om werkbare oplossings vir volhoubare landboutransformasie te vind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Shaun

Om i boer te wees beteken jy moet hard werk……………..die land bewerk nie homself nie……

hendrik

Agri SA , verduidelik vir my baie stadig waar kry julle daai antwoord. Se sommer vir my waarom lyk die plase wat hulle reeds by die regering gekry het soos dit lyk.

Sieg

Asseblief Agri SA julle planne moet net werk, dan kan sukses kom. n Plaas is n besigheid dit kos bloed sweet om te laat werk!

Liberaal

Sies, hulle is getroue dienaars van die NWO en jy moet aanvaar dat die globale elite die land se hulpbronne soek, aanvaar dit net. Lees die linkse massamedia hoe om hieroor te dink.

Santjie

Dit is seker so dat daar meer swart boere kan wees en ek het nie ‘n probleem daarmee nie, MAAR dan moet dit “fair and square” wees. Die manier wat dit nou gedoen word is nie regverdig nie – koop die plaas dan wat die boer sy lewe lank aan opgebou het. Nie net die pragplaas vat sodat jare se harde werk en trots ten gronde gaan nie.