Agrizzi sien wéér nie binnekant van hof

Angelo Agrizzi tydens ‘n vroeëre hofverskyning. (Foto: Timothy Bernard/ANA)

Angelo Agrizzi, voormalige bedryfshoof van Bosasa, was Vrydag weer uitstedig toe die saak teen hom en oud-ANC-LP Vincent Smith in die Palm Ridge-landdroshof aangehoor is.

Agrizzi word daarvan beskuldig dat hy Smith omgekoop het om te help verseker Bosasa kry winsgewende staatstenders.

Smith het vanoggend weer alleen in die beskuldigdebank op aanklagte van korrupsie en bedrog verskyn voordat die saak tot Julie uitgestel is.

Sindisiwe Seboka, woordvoerder van die Nasionale Vervolgingsgesag se ondersoekdirektoraat, sê dit moet nou bepaal word of die twee beskuldigdes afsonderlik verhoor moet word.

Agrizzi is glo steeds baie siek.

Die saak word weer op 8 Julie aangehoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Misky

Hoe kry hierdie ouens dit reg om so lank met die slenters weg te kom? As die gewone ouens op straat dit doen en nie opdaag vir hofdatums nie, is daar arrestasies en jy sit in die tronk tot die verhoor plaasvind.

Pieter

Anc regering se regstelsel net so grap as wat die anc is.

Juffrou

Hy is uitstedig……maar tog steeds baie siek? Nou waar is hy met sy siekte en al?

Keith

It’s not “what you know” , it’s “who you know”, and whether you can afford “who you know”.

Rian

Agrizzi is dan die fluitjieblaser! Waarvoor moet hy in die hof verskyn?