Agrizzi voor hof oor k-woord-tirade

Angelo Agrizzi, voormalige operasionele hoof van die omstrede fasiliteite-bestuursgroep Bosasa. Foto: Simphiwe Mbokazi /ANA

Angelo Agrizzi, voormalige bedryfshoof van die eertydse Bosasa, sal Woensdag in die gelykheidshof verskyn op aanklagte van diskriminasie en haatspraak wat deur die Menseregtekommissie (MRK) teen hom aanhangig gemaak is.

Die saak sal in die Randburg-landdroshof aangehoor word.

Die MRK het die aanklagte teen Agrizzi ingedien nadat hy by die Zondo-kommissie van ondersoek na staatskaping erken het dat hy rassistiese uitlatings gemaak het. Agrizzi het openlik erken hy is ʼn rassis nadat ʼn opname waarin hy herhaaldelik die k-woord gebruik om na sy oudkollegas Papa Leshabane en Johannes Gumede te verwys, aan die Zondo-ondersoekkommissie voorgestel is.

Agrizzi het in sy getuienis erken hy is ʼn rassis. “Ek is rassisties… oordeel my daarvoor… dis in die haak,” het Agrizzi gesê voor hy verskoning gevra het vir sy uitlating en gesê het hy is “verleë en skaam”.

Gail Smith, woordvoerder van die MRK, het vroeër gesê indien die MRK nié stappe doen nie, sal dit eensgesinde individue aanmoedig om dieselfde te doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
ne

Baie voel soos Agrizzi, hulle sê dit net nie in die openbaar nie. Na al die aanvalle/plaasmoorde voel BAIE mense so.

Sakkie

Die samelewing is uiters sensitief. Wonder hoekom.

Oom Koos

Ja -nee as dit witmense kom is die MRK baie fluks om vermeende oortreders aan die pen te laat ry.

zip reeper

eienaardig n whistleblower word vervolg terwyl nog geen korrupte staats vuilisse aangekla is nie

Anti-MRK

Die MRK het geen geloofwaardigheid meer oor nie. Maar hulle moet die narratief van die tyd speel – dus neem Agrizzi hof toe.