Agt betogers vas ná chaos in Brackenfell

Die polisie verjaag betogers naby die Hoërskool Brackenfell met ‘n waterkanon. (Foto: Rob Hutchinson/Twitter)

Agt betogers is in hegtenis geneem nadat honderde lede van die EFF Vrydag weer na die Hoërskool Brackenfell in Kaapstad opgeruk het om teen beweerde rassisme te betoog.

Kapt. FC van Wyk, woordvoerder van die polisie, sê ’n lid van die publiek is ook in hegtenis geneem op aanklag van aanhitsing. Die betrokke persoon is beseer toe hy die betoging probeer ontwrig het.

Skade is vroeër vandag aan polisievoertuie, private voertuie en ondernemings se vensters aangerig. Wetstoepassingsowerhede en ondernemings is ook met klippe bestook.

Van Wyk sê die aangekeerde betogers sal binnekort in die hof verskyn op aanklagte van openbare geweld.

“Die skare is sedertdien uitmekaar en die situasie in die omgewing word gemonitor. Ons magte sal in die gebied bly totdat ons tevrede is dat die situasie gestabiliseer het.”

Die polisie het vanoggend ʼn waterkanon en skokgranate ingespan om die groot skare weg van die skool te keer.

ʼn Herrie het losgebars ná ʼn private funksie van matriekleerders by die skool wat net deur wit leerders bygewoon is.

Die skool het intussen die versekering gegee dat hy kwessies rakende inklusiwiteit daadwerklik pak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
Persheks Adri

Net openbare geweld? Nee man maak oop julle oë. Hierdie minions kom weg met alles, maar laat dit nou 1 van ons was. Hoop hulle het iets geleer vandag. Hulle brand en breek mos net. Ek hoop nie die skool gaan in gee na al die stories nie, want dan is dit net so goed soos Clicks se episodes pffft!

Johan

Die skool ruggraatloos nes die DA

Jannie van Niekerk

Die Rooi Brigade gaan WEEREENS ABSOLUUT niks oorkom nie, hulle is mos EFF lede….

Andréas

Baie dankie aan die Wes-Kaap regering (DA) vir die toestemming verleen dat breë rassisme voor ‘n spogskool mag voortgaan deur mense wat niks met hierdie area te doen het nie. Ook ‘n spesiale woord van dank aan die huidige nasionale regering se polisiediens om verder toe te laat dat 500 en later 2000 betogers beskerm word ten einde voor die hand liggende geweld te pleeg en skade aan te rig. Dis dié voorbeeld wat ons daardie warm en tevrede sekerheid bied. Mooi man…!

Annette

Die regter wat toestemming verleen het, moet saam met die EFF aanspreeklik gehou word vir die gemors.