Agt vas ná klopjag op Nelspruit-bordeel

Argieffoto

Agt mense is Vrydag in Nelspruit in hegtenis geneem nadat die Valke en ander rolspelers ʼn bordeel in die stad oopgevlek het.

Kapt. Dineo Lucy Sekgotodi, provinsiale woordvoerder van die Valke, het Saterdag gesê die inhegtenisnemings volg ná ʼn gesamentlike ondersoek deur die Valke, die polisie, die honde-eenheid, die verkeerspolisie en die departement van binnelandse sake.

“Die span het ʼn klopjag by die perseel in Andersonstraat uitgevoer en vier mense in hegtenis geneem wat die perseel as ʼn bordeel bedryf het,” het sy gesê.

Volgens Sekgotodi is vier onwettige immigrante, onderskeidelik van Malawi, Nigerië, Lesotho en Ethiopië, ook in hegtenis geneem.

Die verdagtes, tussen die ouderdom van 25 en 44, moet Maandag in die Nelspruit-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
humor

Stuur daai onwettige immigrante onmiddellik terug na hul onderskeie lande. Hulle hoef nie eens verhoor te word nie, geld mors . Stuur hulle net weg!!!!!!

Johann

lekker man, lekker.

LMF

En n hele polisie mag in nodig om die skuldeges te vang as hul maar hul tyd gebruik het om ons boere moordenaars te gesoek het nou jag hul mense met die oudste beroep in die wereld

Lorieka

Mooi sap almal was daar dalk van hul kuier ook daar wou net seker maak hul girls is oky as mense vermoor word waar hul Dan

Smartie

dis goed en we’ll. maar wat van due openbare bordeel op die R37. dis regtig walglik soos due prostitute daar sit en staan met die sjrapste klere aan. met een in Elke groep wat die ontblote “waarheid” met oop bene na die pad gekeer, adverteer. Waar die sapd bakkies ook gereeld te siene is maar beslis nie om te arresteer nie.