Agt vermeende perlemoenstropers van Hawston en Houtbaai is Woensdag naby Robbeneiland in die Wes-Kaap in hegtenis geneem.
Die mans, almal tussen 25 en 32 jaar oud, is met perlemoen met ’n straatwaarde van sowat R345 000 in hulle besit betrap.
Volgens kapt. FC van Wyk, polisiewoordvoerder, het lede verbonde aan die grenspolisie in Kaapstad en die departement van landbou, bosbou en visserye die gebied om Robbeneiland vroegoggend gepatrolleer toe hulle die rubberboot gewaar het.
“By nadere ondersoek het die beamptes die mans met duiktoerusting en sakke vol perlemoen aan boord betrap.
“Daar is ook beslag op die sewe meter lange rubberboot ter waarde van R350 000 gelê.”
Die verdagtes sal eersdaags in die Kaapstad-landdroshof verskyn. Aanklagte van oortredings ingevolge die Wet op Marienehulpbronne, Wet op Nasionale Omgewingsbestuur asook die Rampbestuurswet vanweë die verbreking van die aandklokreël ingevolge die vlak 4-inperkingsmaatreëls te midde van die Covid-19-pandemie staar hulle in die gesig.
Kan die perlemoen weer teruggesit word in die water of nie? Ek vra uit onkunde
Nee Anthony ongelukkig nie,dit word by die stoorkamers van DAFF (Dept of agriculture fisheries & forestry)gestoor en hulle volg hul procedure na ons dit oorhandig aan hulle.
Dankie Linx
Behoort te kan, hulle was nog nie lank uit nie…
Nee dt kan nie,hoe sal daar in elk geval gese kan word hoe lank hlle uit was
Mens sal nie leer nie sluot hulle op en gooi die sleutel weg
Hierdie mense moet swaar gestraf word want ons lees te dikwels hoe perlemoen gestroop word. Wat van al die wat nog wegkom?