Agt vermeende stropers in hul spore gestuit

Twee van die verdagtes wat in Dwaalboom aangekeer is. Foto: Heritage Protection Group (HPG).

Twee van die verdagtes wat in Dwaalboom aangekeer is. Foto: Heritage Protection Group (HPG).

Agt vermeende renosterstropers is oor die naweek in drie afsonderlike voorvalle in Limpopo in hegtenis geneem.

Volgens kol. Ronel Otto, provinsiale polisiewoordvoerder, is die eerste inhegtenisnemings Saterdag in Dwaalboom gemaak.

“Wildbewaarders op ʼn wildsplaas het vreemde spore opgemerk en bystand van ʼn veiligheidsmaatskappy en die polisie ontbied,” het Otto gesê. “Die spore is agtervolg en drie verdagtes is in hegtenis geneem.” Die mans het ʼn 416-jaggeweer, ammunisie en ʼn byl in hul besit gehad. Die polisie het daarop beslag gelê.

In Hoedspruit is drie verdagtes deur die spesiale renostertaakspan in hegtenis geneem. Die beamptes het inligting oor ʼn verdagte voertuig opgevolg, die voertuig opgemerk en van die pad afgetrek. ʼn 416-jaggeweer, ammunisie, ʼn byl en messe is in hul besit gevind en hulle is in hegtenis geneem.

Een van die Dwaalboom-verdagtes. Foto: HPG

Een van die Dwaalboom-verdagtes. Foto: HPG

“Dieselfde taakspan het deur die loop van Sondagnag twee verdagtes in die Klaserie-gebied van Hoedspruit aangekeer nadat ʼn verdagte voertuig gestop en deursoek is. ʼn Jaggeweer en ammunisie is in hul besit gevind.”

Die verdagtes sal binnekort in verskillende howe verskyn op aanklag van die onwettige besit van vuurwapens en ammunisie en sameswering om renosterstropery te pleeg.

Die geweer waarop beslag gelê is. Foto: HPG

Die geweer waarop beslag gelê is. Foto: HPG

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Johann ·

Ja shure…net om of te ontsnap of borgtog te kry of apartheid se skuld…of hulle vat wat hulle toekom…dit was nog altyd hulle voorvaders sin…ja shure…

Gjorg ·

Is jy darem nie net ‘n bondeltjie sonskyn vandag nie Johann….

Cherokee ·

Ja Gjorg, dit frustreer wanneer dieselfde rympies oor en oor herhaal word elke keer asof dit nuut is, nè.

Wat-ek-lees ·

Spore word seker gevolg en nie agtervolg?
Soos hul gesigte lyk op die foto’s so lyk ook ‘n renoster nadat dit vir die horing vermorsel is.
Miskien moet hulle ook so geskend word.

Vissie ·

Wonderlik! Maar ‘n “416-geweer”? Nog nooit van so ‘n kaliber gehoor nie.

KarooKlong ·

Ai julle dorpsjapies, tik in 416 Rigby. Is ‘n grootwild skiet ding.

Sharpei ·

Moet hulle noooooooit weer vrylaat nie…hulle moet ook bietjie verniel word sodat hulle kan voel hoe die arme renoster voel…laat hulle lei man

Frederik ·

Is hulle EFF lede, of waarom het hul sulke rooi kolle op hul gesigte ?

Sus-anna ·

Negatiewe mense smeer gelukkig nie aan my af nie. Vergeet van die tegniese detail en wees bly oor die goeie nuus!
Baie geluk aan die taakspanne en almal wat bygedra het tot die arrestasies. Dit is ‘n deurlopende oorlog wat jul veg. Ons salueer julle.

Lance ·

Wys die vuilgoed se gesigte ..bly hulle is gevang ….nou moet hulle netnie uit aanhouding ontsnap nie …soos al so BAIE gebeur het ….polisie wees bq skerp en dink aan ontsnapping nou toe

Scalla ·

Hoekom word hul gesigte nie gewys nie, die bewyse is mos daar, met die geweer en byl wou hulle seker gaan paintball speel het, die blanke boer wat van handel in renosterhoring beskuldig word se naam en dorp word vermeld. Hoe nou?

Josef Espag ·

Berig liewer oor skuldigbevindings en vonisse……lees altyd net van arrestasies!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.