Aksieplan kom teen grondgrype, onteiening sonder vergoeding

Dr. Pieter Groenewald. Argieffoto: Twitter

Die VF Plus het Sondag gesê grondgrype in Suid-Afrika is nou ʼn werklikheid en daar heers groot onsekerheid onder alle gemeenskappe in Suid-Afrika, en veral in die landbougemeenskap, oor onteiening sonder vergoeding en hoe dit almal in die land kan raak.

In die lig hiervan gaan die VF Plus twee verdere aksiestappe bekend stel om persone by te staan wie se eiendom bedreig word en om die proses van onteiening sonder vergoeding teen te staan.

Die VF Plus het gesê hy beskou onteiening sonder vergoeding as ʼn ernstige menseregte-vergryp en gaan ʼn klag in dié verband teen die ANC-regering indien by ʼn internasionale liggaam. Die party gaan ook planne aankondig om mense by te staan wie se eiendom direk geraak word.

Dit sluit aan by die VF Plus se huidige “Slaan Terug”-veldtog wat daarop gemik is om die internasionale gemeenskap se aandag op die aangeleentheid te vestig en om die ANC daadwerklik teen te staan in dié verband.

Meer besonderhede oor die nuwe aksieplan gaan Maandag tydens ʼn mediakonferensie by die parlement in Kaapstad bekend gemaak word. Dr. Pieter Groenewald, die party se leier, sal die media toespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Fortis

Die VF+ is die party wat my stem kry in die volgende algemene verkiesing.

Lindtjies

Ek sekondeer. Die DA gaan ook nie weer my kruisie kry nie.

Herman

Nou wonder ek wat gaan agri sa daarvan se? seker vir hulle lede se om nie VF te stem nie en om hulle te isoleer….
Ek is so diep teleurgesteld in ons ou volkie. Maar nou ja, dis mos maar elke man, of boer vir homself hier op ons eie ou mishope…

Paul
Joshua

Dr Groenewald, BEE is ook n vergryping van menseregte.