Aksieplan om onteiening sonder vergoeding te stop

Argieffoto

Die VF Plus het Maandag sy aksieplan bekend gemaak om die ANC-regering se planne om die Grondwet te wysig om onteiening sonder vergoeding moontlik te maak, stop te sit. Die aksieplan sal gevoer word onder die vaandel: SLAAN TERUG SA / FIGHT BACK SA.

Die party het in ʼn persverklaring gesê landwye inligtingsessies word beplan om openbare deelname aan te moedig en te koördineer. “Die proses van grondwetwysiging en die implikasies van onteiening sonder vergoeding sal met verskeie organisasies, sakekamers en landbouverenigings bespreek word,” het die party gesê.

Die VF Plus het gesê soveel as moontlik voorleggings deur die burgerlike samelewing en individue moet tydens die openbare deelname-proses ingedien word om beswaar teen die voorgestelde grondwetwysiging aan te teken.

“Suid-Afrikaners moet daarvan bewus gemaak word dat die voorgestelde wysiging alle Suid-Afrikaners se eiendomsreg, wat nie slegs die eienaars van landbougrond raak nie, sal wegneem en die ekonomie van Suid-Afrika sal vernietig.”

Die party gaan ook ʼn vergadering met president Cyril Ramaphosa versoek en sal later ʼn griefskrif tesame met ʼn petisie aan hom oorhandig.

“Die petisie sal deel vorm van die openbare deelname-proses. Die petisie word landwyd versprei en is ook aanlyn beskikbaar by: www.slaanterugsa.org.za.”

Die party beplan ook ʼn massabetoging vir Suid-Afrikaners om op te staan vir die beskerming van hul eiendomsreg en om ʼn trustfonds te stig vir fondswerwing om die nodige regsaksies te befonds.

“Aktiewe skakeling met die Europese parlement, regerings, die Verenigde Nasies (VN) en ook deur middel van die VF Plus se lidmaatskap aan UNPO word ook beplan. Die leier van die VF Plus sal op 21 Maart na Europa vertrek vir verskeie vergaderings in hierdie verband. Suid-Afrika is ʼn ondertekenaar van die VN se Verklaring oor Menseregte. Onteiening sonder vergoeding is ʼn oortreding van artikel 17 van hierdie verklaring,” het die party afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Bernard Hellberg

Kyk gerus weer na die oudmodiese gebruik om alle werkwoorde aan die einde van sinne saam te bondel

Carl

Fantasties!! Ons moet saam staan en dankie vir julle harde werk VF+.

Johannes

Jip, hier gaan ons al weer…. teken petisies en dink die ANC of die buiteland gaan omgee. Dit terwyl die EFF (en andere) luidkeels vertel hoe hulle swartes meer lief het, hulle ons blankes se kele gaan afsny en dat blankes “bly” kan wees hulle vra (nog nie) vir ‘n volksmoord nie… Dit terwyl daar DAAGLIKS boere brutaal vermoor word in hierdie land….

Sarel swartbrand

Ek stem ten minste reg.

Que

So state capture was nie genoeg nie nou will dit voorkom as of SA burgers slawe vir die staat moet wees. Geen reg op geen grond ensvoorts. 20ste eeu morderne slawe skap!!!!