Al meer Suid-Afrikaners verval in armoede

Pali Lehohla, die statistikus-generaal, in Pretoria (22 Augustus 2017). Foto: ANA

Pali Lehohla, die statistikus-generaal, het Dinsdag gesê daar is ʼn dramatiese toename in die getal armes in Suid-Afrika, en die omvang van die armoede raak al meer ingrypend.

Lehohla het tydens die bekendstelling van die verslag oor armoede-tendense in Pretoria gesê lae ekonomiese groei en die droogte het baie mense in lewenslange armoede gedompel. Volgens Lehohla is meer as 30 miljoen Suid-Afrikaners arm.

“Ons teiken vir ekonomiese groei is 5,4% per jaar, maar die ekonomie groei nie in daardie rigting nie. Ons het nou twee kwartale van negatiewe groei gehad – dit is ʼn tegniese resessie. Werkloosheid is hoog en ons sien hoe lyk ons kwartaallikse arbeidsmagopname,” het hy gesê.

“Die getal werklose mense neem natuurlik al meer toe soos die bevolking groei. Die getal werkloses het eintlik dramaties toegeneem. As ons die werkloosheid van 2008 met 2017 vergelyk, het die waarskynlikheid om werkloos te bly met 10% gestyg. Daar is dus geen einde in sig vir dit wat die samelewing nou beleef nie.”

Lehohla het gesê die Suid-Afrikaanse sektore se opname-kapasiteit vir die werklose miljoene het aansienlik verminder. “Ons sit met baie ernstige probleme,” het hy gesê.

Volgens StatsSA het armoede in 2015 tot 55,5% gestyg. Dit is gelykstaande aan 30,4 miljoen mense. “Die getal mense wat onder die 2015-broodlyn van R441 per maand leef het met 2,8 miljoen toegeneem, vanaf 11 miljoen in 2011 tot 13,8 miljoen in 2015,” het hy gesê.

Die verslag toon ook die mees weerlose van die armes is kinders van 17 jaar of jonger, vroue, swart Suid-Afrikaners, mense wat in plattelandse gebiede woon, inwoners van die Oos-Kaap en Limpopo en mense met min of geen onderrig.

Die verslag wat Dinsdag vrygestel is, is getiteld “ʼn Ondersoek van absolute armoede tussen 2006 en 2015”. Armoede-ramings is noodsaaklik om vordering te monitor en te bepaal, en om die armoede-teikens te bereik wat in die regering se Nasionale Ontwikkelingsplan en die Verenigde Nasies se Volhoubare Ontwikkelingsdoelwitte uiteengesit is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
Mariska Kruger

Natuurlik is daar so baie werkloos. Hulle staak en dan maak die maatskappy toe en dan het hulle nie werk nie. Nie lank daarna nie huil hulle en begin weer toi toi want hulle het nie ‘n inkomste nie. Dis ‘n bose kringloop en alles tedoen met die mensdom self, wel en sy regering. Hou op dans in die strate vir twak en werk vir ‘n slag! As ek elke 2 dag gaan dans oor krag en water gaan ek ook binnekort nie meer werk he nie.

Mariska Kruger

En natuurlik is die meeste swart Suid Afrikaners ek meen hulle is 50 miljoen + en die wit mense is maar 4 miloen as nie minder nie. MOET TOG NIE DIE TWEE MET MEKAAR VERGELYK NIE. En kinders hou asb op om kinders te maak. Die populasie is reeds deur die dak.

Swartkat

Die regering moet ophou met korrupsie en werk gee aan onbevoegde mense wat nie die werk kan doen nie. Die handvol belastingbetalers kan nie meer vir die land sorg nie.

Lou

Hoe kan hulle kla oor werkloosheid as al die land se grense oopstaan? Die hele afrika stroom hierheen. Die ander probleem is gesinsbeplanning. Hierdie veldtog van die Dept van Gesondheid is in die middel 90’s gestaak. Redelik logiese oplossings sou ek se……

Gatvol

Ons regering se arbeidswetgewing plus SEB plus regstellende aksie is die logiese resultaat van ons land se negatiewe ekonomiese toestand. Ideologie is meer belangrik as ekonomiese groei!!!!