Amerikaanse vrou in Kampsbaai-hotel vermoor

Kampsbaai

Kampsbaai

Die polisie in die Wes-Kaap ondersoek ʼn saak van moord nadat ʼn Amerikaanse vrou se lyk in ʼn hotel in Kampsbaai gevind is.

Konst. Noloyiso Rwexana, woordvoerder van die polisie, het aan Maroela Media gesê hulle is Woensdag omstreeks 15:00 oor die voorval in Chilworthweg ingelig. Die slagoffer was ʼn 39-jarige vrou. Volgens Rwexana is ʼn 41-jarige verdagte dieselfde dag in hegtenis geneem. Die verdagte sal na verwagting vandag in die Kaapstad-landdroshof verskyn.

EWN berig die oorledene was ʼn Amerikaanse toeris. Daar word intussen ook aangevoer dat die verdagte ook ’n buitelander is. Rwexana wou egter geen bewerings bevestig nie. “Die ondersoek is in ʼn baie sensitiewe stadium en ons kan nie verder uitbrei oor die saak nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Winston

Wys vir die wêreld SA se karakter ja. Skrik toeriste af en skaad die ekonomie tot waar dit was toe Jan hier gekom het.

Anita

Die verdagte is ookl n buitelander. Lees die artikel weer.