(Argieffoto: Unsplash)
’n Studie wat deur die Suid-Afrikaanse Nasionale Bloeddiens (SANBD) en Wes-Kaapse Bloeddiens (WKB) uitgereik is, toon dat baie meer Suid-Afrikaners al Covid-19 opgedoen het as wat die regering se amptelike syfers wys.
Volgens die bloeddiens is hierdie studie, bekend as ’n seroprevalensie-studie, uitgevoer om te bepaal hoeveel mense werklik al Covid-19 opgedoen het en hoeveel dus reeds SARS-CoV-2-teenliggaampies gevorm het.
Hiervolgens het meer as die helfte van inwoners van die Oos-Kaap (63%) en KwaZulu-Natal (52%) reeds Covid-19 opgedoen. Amper die helfte van inwoners in die Vrystaat (46%) en ʼn derde van mense in die Noord-Kaap (32%) het die virus al onder lede gehad. Maroela Media het vroeër berig dat 67% van die bevolking Covid-19 moet opdoen vir die bevolking om kudde-immuniteit te bereik.
Hierdie studie wys dat veel meer Suid-Afrikaners tot dusver Covid-19 gehad het as wat die departement van gesondheid se amptelike syfers wys. Teen Dinsdagoggend is altesaam 1 492 909 gevalle van Covid-19 in Suid-Afrika bevestig. Dit is omtrent 6% van die land se totale bevolking.
“Hierdie soort navorsing is een van die min relatief kostedoeltreffende maniere om die omvang van vorige SARS-CoV-2-infeksie op bevolkingsvlak te ondersoek,” sê die bloeddiens in ’n verklaring.
As deel van die dataversameling van die studie, het altesaam 4 858 bloedskenkers tussen 7 en 25 Januarie in die bogenoemde vier provinsies vir teenliggaampies vir Covid-19 getoets. Die meeste skenkers was van KwaZulu-Natal (2 107), gevolg deur die Oos-Kaap (1 457), die Vrystaat (831) en die Noord-Kaap (463).
ʼn Bietjie meer as die helfte (53%) van die skenkers was mans. Die meerderheid skenkers was blank (47%) en swart (34%).
Die voorkoms van teenliggaampies is volgens provinsie, ouderdom en ras getoets.
Uit die resultate is dit duidelik dat meer swart skenkers (60%) teenliggaampies teen die virus opgebou het as ander rassegroepe. Daar is geen beduidende verskille in ouderdomme of geslag waargeneem nie.
Dié rede hiervoor, sê navorsers, is weens sosio-ekonomiese status en swak behuisingstoestande onder die swart bevolking.
Die navorsers sê hoewel die bloedskenkers wat aan die studie deelgeneem het, nie verteenwoordigend van die land se bevolking is nie, bied dit steeds ʼn geloofwaardige weerspieëling van die voorkoms van teenliggaampies onder die Suid-Afrikaanse bevolking.
Die aantal mense wat in elke provinsie teenliggaampies gevorm het (Foto:Prevalence of anti-SARS-CoV-2 antibodies
among blood donors in Northern Cape, KwaZulu-Natal, Eastern Cape, and
Free State provinces of South Africa in January 2021, Skermskoot)
So die feit dat 60% swartes teenliggaampies opgebou het is mos positief ? en nie ‘n negatief oor hulle sosio-ekonomiese status nie?
Ek sou ook dink dat aangesien SA se swart bevolking baie meer is as die ander, sal dit sin maak dat die swart bevolking se persentasie baie meer sal wees as die res.
Kanselleer maar die entstof bestellings, lyk of ons dit sal oorleef daarsonder.
Het diegene wat die virus gedoen het almal siek geword of net ligte simptome getoon?As jou liggaam teen liggaampies ontwikkel het is dit nodig vir inventing.?Kan iemand kommentaar lewer want ek is nou in die duster.Hoe sal jy weet of jy die virus gehad het?
Ek ken 3 mense wat Covid gehad het , wat teenliggaampies gehad het en dit nie meer het nie. Ek ken ook heelwat mense wat at twee keer Covid gehad het.
Baie mense het dit so lig gekry hulle sal nie eers weet hul was siek nie. Mens kan laat toets vir teenliggaampies om te bepaal of mens reeds immuun is.
Casper – snaaks hoe die simptome van een persoon tot die volgende een kan verskil , een makkeer niks en die ander een lê op ‘n ventilator . Jy kan wel die inenting kry al het jy reeds covid gehad en om te kyk of jy dit al gehad het , gaan na Dischem of Clicks toe en sê jy wil die ‘antibody’ toets doen -hulle registreer jou ook op databasis en vinnige vingerprik , 10 min en jy weet of jy aktief siek is en of jy dit al gehad het , daar is twee strepies wat kan aktiveer as een van die twee positief is .
As dit die geval is is hierdie virus nie eens so dodelik soos n gewone verkoue nie.
Reg in die begin van hierdie Covid drama het Sweedse dokters gese dis soos ‘n erge griep. Klink my dis waar behalwe vir die histeriese reaksie van regeringsampenare wat magsbehep heraak het.
Jy sal mos gekruisig word hier met so ‘n comment jong! Maar ek stem. Iewers in dié alles, as mens wyd genoeg navors en dinge begin bymekaar sit maak 1 +1 nie 2 nie.
Ons menisters kan mos nie tel nie. Zuma het hulle geleer hoe om te tel. Dit gaan alles net oor die geld vir die ANC.
4858 Bloedtoetse uitgevoer en hulle wil dit as maatstaf gebruik? Ek twyfel vir geen oomblik dat SA baie meer gevalle gehad het as wat die regering beweer nie, maar hierdie berekening sal ek ook nie vertrou nie.
Presies. Hou maar by die wereldgemiddeld van 20% positief van mense wat getoets is vir Covid. Daai is darem ten minste gegrond op miljoene toetse.
Die wereldgemiddeld is 20% positief vir mense wat lukraak maar spesifiek getoets is vir Covid toe ek nog laas gekyk het (SA was 15%). As jy dan nog in ag neem dat baie van die wat wel getoets het, juis gegaan het vir toetse omdat hulle gedink het hulle het Covid (en dalk reeds simptome getoon het) behoort die persentasie eintlik laer as 20% te wees. Kan onmoontlik nie 50% wees, onlogies en pleinweg bollie,
So dit beteken as dit n pandemie is die helte van SA mos nou dood want dit is wat n pandemie doen!! Die leuen ………!!!!
Nie dat ek iets glo wat hierdie regering kwyt raak nie, maar dan beteken dit dat ons as Suid Afrikaaners ‘n baie sterk nasie of dan bevolking is. En dan sê my logika dat ons weer na normaal kan oirt gaan met ons lewens. En dat die gemasker draery ook maar kan end kry. Want ons is nou moeg vir permanent sinus en sinushoofpyn te hê. Maar hierdie regering sal ons mos toegesluit hou tot in lengte van dae.
Ek dink jy moet ‘n dokter gaan sien as jy sinuspyne kry van masker dra.
Ek stem met jou saam. Dink bietjie oor die hoeveelheid bakterië wat broei in ‘n maskertjie as jy hom heeldag dra, want daar word gevat aan alles en nog wat en niemand sanitize elke keer voor jy aan jou masker vroetel nie, netso hoes ons soms in hom of selfs nies. Verskeie mense het bakterieël probleme opgetel al asgevolg hiervan. Langtermyn is maskers NIE ons vriend nie. Nog steeds is daar nie besonderse whooha van regering of dokters om jou eie imuuniteit op te bou deur vit C, vars lug, gesonde kos ens nie. Dit maak vir my baie meer sin as om jouself dadelik tot entstof te wend.
Die deel in die laatse paragraaf “is nie verteenwoordigend van die land se bevolking nie” is baie belangrik. Jy kan nie ‘n geloofwaardige afleiding maak uit ‘n beperkte steekproefpopulasie, in hierdie geval slegs mense wat bloed skenk, nie.
My eerste indruk was dat as die proef sowat 0.009% vd bevoldking uitmaak, is daar geen manier dat dit veralgemeen kan word nie. Die laaste sin vd berig bevestig dat dit niksseggende navorsing is. Die navorsers erken dis nie ‘n verteenwoordigende steekproef nie, so hoe kan dit die verspreiding v teenliggampies verteenwoordig? Klug. Daar is te veel foute met hulle metodologie.
Die toets was definitief nie verteenwoordigend van die bevolking nie.
Een derde swart en die helfte Blank??? Wat van Gauteng en WK??? Hoe lyk die ouderdoms verspreiding??
Daar is net n baie spesifieke groep mense wat bloed skenk en hierdie syfers verteenwoording net daardie groep in die provinsies waar die toets gedoen is. n Groot persentasie swartes kry jy nie naby die tent of bus nie
Bewys dat aanhoudende lock-down totaal onnodig was, ons kon al lankal kudde umuniteit bereik het.
Hoekom is daar nie in Gauteng getoets nie?
Van wanneer af is die resultaat van 4 provinsies verteenwoordigend van in die res vd land gebeur….? Somme en riglyne is biki skeef….
Sal graag Gauteng sn wil sien
Snert..ek vertrou geensins die berig!
Wat van Gauteng ?
Soos met elke jaar se griep. Hoe gouer en vinniger dit versprei hoe gouer kom die virus onder beheer van natuurlike immuniteit. Vanjaar probeer die regering egter om die virus te beskerm en die mense se immuniteit af te takel met skep van angstigheid en isolasie.
Dit wys daar is reeds natuurlike immuniteit. Die ingrendeling het duidelik nie ‘n invloed nie en moes nooit ingestel gewees het nie. Die beplande inenting-veldtog is ook onnodig. Al die ekonomiese en sosiale ontwrigting was onnodig. Die minister van gesondheid behoort sy pos te ontruim.