Amy-Leigh-ontvoering: vierde verdagte ook vas

Tharina Human verlede week in die beskuldigdebank. (Foto: Christel Cornelissen)

Die vierde verdagte in die Amy-Leigh de Jager-ontvoeringsaga wat die polisie nou al amper drie weke lank ontwyk, is óók agter tralies.

Brig. Vishnu Naidoo, nasionale polisiewoordvoerder, het gesê die 24-jarige man is Maandagoggend in ʼn informele nedersetting in die Vanderbijlpark-omgewing in hegtenis geneem.

Hy sal na verwagting Woensdag vir die eerste keer in die Vanderbijlpark-landdroshof verskyn, het Naidoo gesê.

Hy sal dan weer 1 Oktober, wanneer die drie vermeende baasbreine agter die opspraakwekkende ontvoering se aansoek om borgtog voortgesit word, sáám met Tharina Human (27), Laetitia Nel (40) en Pieter van Zyl, in die beskuldigdebank staan.

Hy word, soos die ander drie, van ontvoering en afpersing aangekla.

Amy-Leigh de Jager (6) (Foto: Facebook)

Amy-Leigh is op Maandag 2 September voor Laerskool Kollegepark in Vanderbijlpark, waar sy en haar vyfjarige boetie leerders is, by haar ma gegryp. ʼn Man in ʼn wit Fortuner het met haar weggejaag. Dit is oënskynlik dié man wat nou ook in hegtenis geneem is.

Konst. Clayton Motlaung, die ondersoekbeampte in die saak, het Vrydag getuig die man, wat op dieselfde perseel as Van Zyl gewoon het, het laat spaander toe die polisie by die kleinhoewe opgedaag het. Sy identiteit was aan die polisie bekend, maar hy was tot vanoggend nog soek.

Human, Nel en Van Zyl is skaars twee dae ná die dogtertjie se ontvoering al in hegtenis geneem. Hulle is sedertdien in aanhouding. Human is ʼn graad RR-onderwyseres by Laerskool Kollegepark. Sy het die plan om Amy-Leigh te ontvoer glo bedink om ʼn Nigeriër, aan wie sy glo geld geskuld het, te betaal.

Human en Nel het verlede week ook ʼn aansoek gebring waarin hulle vra dat hulle in die polisieselle van ʼn plaaslike polisiestasie aangehou word, eerder as in die Johannesburgse tronk waar hulle tans is.

Ander gevangenes het hulle glo met die dood gedreig, nadat hulle die regstreekse uitsending van die hofgebeure gevolg het.

Landdros Hussein Khota het die aansoek van die hand gewys.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

41 Kommentare

Gemaskerde Sopbeen ·

Juf Human moet liefs nie skuld aangaan IN die tronk nie………..daar’s nie plek om weg te hardloop van jou “dealer” af nie!!

Riaan ·

Volgende vraag is? Waarvoor skuld sy die Nigerier geld. Definitief nie omdat hy penne en potlode aan haar verkoop het nie.

Lalla ·

@Riaan
Hulle sê dis vir dwelms. Ek is nuuskierig om te hoor hoeveel geld sy hulle geskuld het om so ‘n drastiese dom ding aan te vang?!

A-nee-a ·

Dis maar hoe dit in ‘n tronk gaan, juf Human! Kry vir julle.

Piet ·

Dit lyk my hierdie mense het nie die Here in hulle harte nie.
Afpersers moet swaar gestraf word.

Riaan ·

@Lalla. Hoop dan daar word sommer lekker diep in die kompos hoop gegrou. Want die groot mis wurms le daar diep onder….. Hulle kan dalk n paar met blou uniforms ook met die vurk raak steek

Tikfout ·

“5 jarige boetie” en nie “boeties” tensy hy nou deel van tweeling is.

Nico Strydom ·

Dagsê Tikfout
Jammer vir die oorsig, die berig is reeds gewysig.
Vriendelike groete
Maroela Media

Kosie ·

Dis n skande sy kon seeker kla kry om dit in soft cash af te betaal nie .

Buggs Bunny ·

Baasbrein (e)? Klink vir my meer soos Pinky and the Brain, waar die Brain met vakansie is. What’s up Doc?

LoodKurkprop ·

.
.
Die ” Nigerian Druglord” verskoning is nou al holrug gery…dis nou die hoeveelste keer dat die “druglord” skim die skuld kry…en hy bestaan nie eers nie….vra maar vir Fanie.
.
.

Barry ·

Ek hoop van harte dat almal wat skuldig gevind word lewenlank sal kry want dis wat hul vedien geen byl vir almal tot die beskildigtes skuldig gevind word.

Neels ·

Kyk mooi vierde verdagte gaan staats getuie draai hy was n werket op die plot en was geintimideer deur sy werkgewer en is n klein bedraggie belowre vir sy aandeel in die hele ding.. Hy het klaar die regte regsverteenwoordiger en klaar voorgese hoe om te getuig .

De Villiers ·

Human em Nel moes aan die gevolge gedink het voordat hulle betrokke geraak het by die ontvoeringsplan. Om nou skielik aansoek te doen om na ń veiliger plek van aanhouding oorgeplaas te word, is dus verregaande. Arme Amy-Lee het nie die keuse gehad of sy die slagoffer wou wees van die ontvoering nie, om nie eens te praat van die trauma wat sy daarmee opgedoen het nie.
Dis hulle verdiende loon. Ek hoop nie hulle aansoek slaag nie.

Niklaas ·

Juf Human moet dalks haarself forseer om tronklewe en toestande daar baie te geniet. Daar wag moontlik lang tye daarbinne vir haar en mede beskuldigdes.

Rissie ·

Daar word baie berig dat sy nie lyk soos n druggie nie…..
Ek vermoed dat sy dalk net n dealer was, en so in die skuld gekom het….. sy verkoop die dwelms en het toe die geld gebruik dus kan kon sy nie skuld betaal het….. net my gevoel!

LANA ·

Indien jou vermoede reg is, kan ek maar net dink aan wie ‘n onderwyser dwelms sal verkoop.
Dit blyk dat die juffrou se optrede nie net vir een leerder probleme ingehou het nie.

Christelle ·

My seun is ook 6 en dit ruk my organe uit dat n onderwyseres to so iets instaat is Water tipe onderwysers is in daardie skool? Dit maak my bang Sink ek moet my seun liewer tuisonderrig begin gee

H ·

Wonder hoekom staan almal wat gevang word kop onderstebo?….. koppie was hoog toe die oortreding begaan is. Los hulle in Jhb dalk spaar ons belastingbetalers geld… Doen verkeerd en jou dag sal kom, sommer n laaaangnaweek vir hulle.

Pieter ·

Miskien mis ek iets maar reg aan die begin is gesê dat die kind deur 4 mans ontvoer is. So as my wiskunde reg is, moet daar nog 2 mans iewers los rondloop????

Michael P ·

Was daar nie vier mans in die fortuner nie of was die ander drie Human en kie?

Mans ·

Ek hoop die storie van die ontvoering word nie bietjie gebêre. Ek kry die idee dat die baie publisiteit het n finansiële baie gekry het

Thea ·

Vreemd dat nie een van die drie ontrekking simptome begin kry nie…..!!! Wonder net of dit werklik dwelm verslawing was of pure geldgierigheid!!
Sies vir julle!

Ig ·

Baie sad dat hulle nog nie 1 keer berou getoon het oor wat hulle gedoen het nie, al wat hulle uiter is ons is bekommerd oor ons veiligheid!! Stop hulle innie tronk en gooi die sleutels weg, hulle tronkpêlle sal hulle uitsorteer!!!!

Marna ·

Hoe lyk n druggie? Jy sal verbaas wees hoe goed hul dit kan wegsteek en jare lank kan “cope”. Dis nie meer net straatmense wat vandag dwelms gebruik nie. Dit het in baie goeie huise ingekruip, gebeur met kinders van gerespekteerde “ordentlike” mense ook.

Attie. ·

Depressie, armoede en skuld laat jou snaakse dinge doen. Kom ons plaas die skuld op die satan wat agter alles sit en los die veroordeling en vonnis vir die regter/ Ek kry die beskuldigdes jammer want dit is duidelik hulle het of wou geen skade aan die kinders doen nie, hulle het twee miljoen nodig gehad en satan het vir hulle die blink plan gegee.

Faan ·

Attie. Jy slaan spyker op die kop. Die ontvoering is onaanvaarbaar en sal die betrokkenes die gevolge vir die daad moet dra. Dit is egter nie vir ons om die persone te veroordeel nie.

Jax ·

Mooi so SAPS! Sluit hulle almal toe en gooi die sleutel weg. Die tronk is nie n hotel nie. Jy kan nie vir n ander kamer vra as jou kamer nie na wense is nie. If you can’t do the time, don’t do the crime.
Ek hoop hulle kry lewenslank! Daai kindjie en haar boetie is lewenslank erenstig geraak hierdeur! Die ouers en familie ook.
Ek hoop die juffie se kind is by mense wat werklik omgee vir kinders en dat sy ook berading kry. Bid jou aan: my Ma huur iemand vir die ontvoering van n dogtertjie wat ek baie goed ken.

Wielspore ·

Die dwelm smouse stel net in geld belang, eers word die persoon aan dwelms blootgestel, dit is goedkoop en maklik verkrygbaar. As die persoon verslaaf raak gaan die prys op en die mengsel verdun, so daar word meer gekoop en duurder betaal. Die dwelms raak onbekostigbaar en die dwelm smous verkoop op skuld, skuld kan later nie meer betaal word. Die persoon wat verslaaf is word gedreig dat hulle kinders ontvoer sal word. Die verslaafde raak desperaat en in same wewerking met smous word die groot plan bereken en uitgevoer. Die plan behels groot geld vir die verslaafde en die dwelm smous. As jy eers hierdie punt bereik het jy die rubikon oorgesteek en jy kan nie meer terug draai. Laat die hele lot vrot in die tronk, julle verdien niks beter.

Lea Durant ·

Lalla ek iewers baie lank terug gelees 750 000 omgewing

Henry ·

Jis!
Wil mos lyk asof sommige kommintatorre en kommintatorrinne veel meer van die ontvoerdery weet as wat die polisie weet.
Wonder of al die verdagtes inderdaad vas getrek is…
:-)

Michelle ·

Ek wonder myself oor die dwelm storie.
Gebruik dit defnitief nie self nie.
Niemand het ontrekking simptomie nie.
Vreemd ??

Gerrit ·

Daar was vertel die ma het gesê 4 NB mans het die dogter ontvoer…….1 NB man is nou in die tjoekie……..en die 3 ander? Ek ruik n rot en ń baie stink rot.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.