Amy-Leigh ‘veilig’ gevind

Amy-Leigh de Jager (6). (Foto: Facebook)

Die sesjarige Amy-Leigh de Jager wat Maandag voor haar skool in Vanderbijlpark in Gauteng ontvoer is, is gevind.

Verskeie bronne onder meer die Laerskool Kollegepark en Zandalee Brouwer, Amy-Leigh se tannie, het die nuus vanoggend op Facebook bevestig.

“Dankie, dankie, dankie. Amy-Leigh is veilig,” lui ʼn inskrywing deur Brouwer.

Die besonderhede rakende Amy-Leigh se terugkeer is nie in die stadium bekend nie.

Brouwer het versoek dat Amy-Leigh se ouers se privaatheid in die stadium respekteer word. “Almal is deur ʼn lang en rowwe dag en nag.”

Die Facebookgroep “Vermiste Amy-Leigh de Jager” het ook bevestig dat sy gevind is. “Amy-Leigh is veilig in haar mamma se arms.”

Dié groep het teen vanoggend reeds sowat 83 000 volgelinge sedert Amy-Leigh se verdwyning.

Maroela Media het vroeër berig Amy-Leigh, ʼn graad R-leerder aan die Laerskool Kollegepark, is omstreeks 08:00 gister by die skool ontvoer. Vier mans het haar klaarblyklik by haar ma, Angeline, gegryp en in ʼn wit Toyota Fortuner met haar weggejaag. Hulle het glo haar vyfjarige boetie uit die pad gestamp om haar te gryp.

ʼn Grootskaalse soektog is na Amy-Leigh van stapel gestuur nadat die ontvoerders met haar weggejaag het. Duisende mense het gister inligting oor haar verdwyning op sosiale media gedeel en verskeie organisasies was by die soektog na haar betrokke.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

153 Kommentare

jongste oudste gewildste
Ma van twee

Dankie Here, U is Groot en Almagtig!

Skerpioen

Maroela hierdie beter nie fake news wees nie, want wragtig ek het min geslaap oor Amy-Lee en ek sit en huil sommer van verligting.

Andre

Dankie aan die SAPS wat helse job gedoen het….

Janet

Ons dien n awesome YHVH. Groot is U majesteit.

Cabdice

Eeste dat an God die Vader dat sy veilig terug is by haar familie en dan 2de baie dankie an Maroela dat julle ons so vinnig die nuus gebring het.
Sjoe dis die eerste ding wat ek wou kyk vanoggend en is so verlig. Daai ou meisiekind en ouers moes so bang gewees het gister.