ANC: ‘DA het optoggangers betaal’

Foto: Twitter via @Our_DA

Foto: Twitter via @Our_DA

Die ANC het Donderdag beweer die DA het mense betaal om aan Woensdag se optog teen werkloosheid deel te neem.

Die optog waaraan duisende mense deelgeneem het, het in die Johannesburgse sakesentrum plaasgevind. DA-ondersteuners geklee in blou T-hemde het deur die strate gestap en geëis dat die regering die stygende werkloosheidsyfer aanspreek.

Die ANC het egter Donderdag beweer dat mense R100 betaal is om aan die optog deel te neem. Die regerende party het gesê die DA het arm mense misbruik as pionne om “leë politieke punte” aan te teken.

“Die DA het in sy strewe na sy rassistiese agenda die armoede van ons mense misbruik deur hulle as pionne te gebruik om die belange van die wit minderheid te bevorder wat nie eens by die optog sigbaar was nie,” het Zizi Kodwa, nasionale woordvoerder van die ANC, gesê.

Hy het gesê hoewel die ANC vryheid van assosiasie en die reg om te betoog respekteer, beskou die party die DA se optrede as “’n belediging vir demokrasie wanneer die party werklose swart gesigte gebruik om sy rassistiese agenda te bevorder”.

“Hierdie optrede bevestig net weereens dat die DA met sy gehuurde sogenaamde ‘leiers’ voortgaan om ʼn tuiste vir rassisme te wees wat floreer op die mishandeling van swart mense om wit kapitaal te beskerm,” het Kodwa gesê.

Die ANC het ʼn beroep op sy ondersteuners gedoen om nie deur “rassiste wat hulle as demokratiese formasies voorgee” gebruik te word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
AvrilS

Wat n anc grap, hulle gee kospakkies en t- hemde.
Rassisme ? Die DA leier is swart !!!!

Joe

DA doen maar net wat ANC altyd doen, verskil is hulle koop nie die t hemde met gesterlde geld nie

Francois le Cochon

Ten minste het die optoggangers nie als voor die voet verwoes nie. Miskien moet die ANC ook volgende keer “ander” mense koop sodat hulle optogte ook vreedsaam kan wees.

Berhalet Beukes

Hahaha…. Ja ANC… Julle is darem baie voorspelbaar! Julle kan maar net nie help om heeldag en aldag op die ou aanval pad te wees nie!

HCM

Grap van die jaar!!! Hoeveel betaal die ANC vir betogers? Julle sal vir julle kaders vra vir meer geld as dit so aangaan.
dit is soos in die ou dae wat die mense begrafnisgangers gehuur het om te huil !