‘ANC die rede vir uittog uit SA’

(Foto: pixabay)

Die VF Plus sê die ANC se beleid van herverdeling, in plaas van bou, is die oorsaak van die land se probleme. “Dit is die rede waarom baie jong wit mense genoodsaak is om die land te verlaat,” het Tammy Wessels, VF Plus-jeugleier, in ʼn verklaring gesê.

Die party het gesê hy verwelkom die president se hand van samewerking wat hy na wit jeugdiges uitreik, maar is steeds besorg oor die ANC se beleid wat geïmplementeer word en wat nie tot voordeel van alle Suid-Afrikaners is nie.

Pres. Cyril Ramaphosa het Dinsdag tydens ʼn gesprek in Stellenbosch gesê wit jong mense moet in die land bly en hul vaardighede hier aanwend. Maroela Media het vroeër berig Ramaphosa het gesê hier is geleenthede vir álle Suid-Afrikaners.

“Dit is juis pres. Ramaphosa en die ANC se verdelende retoriek oor grond en wit mense wat gemarginaliseerde jong mense dwing om ander geleenthede in die buiteland te oorweeg,” het Wessels gesê.

“Die VF Plus is daarvan oortuig dat alle jong mense wil sien dat Suid-Afrika tot voordeel van almal groei. Diskriminerende wetgewing en beleid soos swart ekonomiese bemagtiging, regstellende aksie en rassekwotas belemmer egter ʼn toekoms van gelyke geleenthede vir almal. Solank hierdie kunsmatige praktyke tot nadeel van ander voortduur, sal geleenthede in die buiteland die alternatief vir jong mense van minderhede bly.”

Sy het gesê balans kan nie verkry word deur weg neem en te herverdeel nie.

Die burgerregtegroep AfriForum het in reaksie op Ramaphosa se stellings ook gesê verkiesingspraatjies gaan nie emigrasie keer of omkeer nie. Alana Bailey, adjunk- uitvoerende hoof van AfriForum het gesê misdaad en onsekerheid oor eiendomsregte is van die kwessies wat die swaarste weeg wanneer mense besluit om te emigreer of nie van die buiteland na Suid-Afrika terug te keer nie.

’n Gebrek aan volhoubare loopbaangeleenthede is nóg ’n groot oorweging en word vererger deur ’n gebrek aan gelyke kanse weens rassekwotas, kaderbevoordeling, die aktiwiteite van tenderpreneurs en die vernietiging van sakegeleenthede, wat onder meer aan beurtkrag toegeskryf word, het sy gesê. Rekordvlakke van werkloosheid en jeugwerkloosheid dra verder by tot hul gebrek aan vertroue.

“Almal getuig dat suksesvolle emigrasie groot ekonomiese én emosionele opoffering verg. Die meerderheid wat op ons peilings reageer, droom daarvan om na die land terug te keer, maar aan die hand van die gebeure wat hier afspeel, meen hulle dat dit nie ’n sinvolle opsie is nie,” het Bailey gesê.

Sy het gesê tensy beleidsekerheid oor eiendomsregte, gelyke kanse in die arbeidsmark, ’n herstel van infrastruktuur en daadwerklike optrede teen misdadigers gesien word, is die kans groot dat emigrasie selfs verder kan toeneem.

“Die stadium waarin mooi beloftes genoeg was, is lankal verby. Mense sal vir konkrete bewyse wag voordat hulle vertroue in Suid-Afrika enigsins herstel sal word. As die president ernstig is om emigrasie te keer of om te keer, is dít waar hy moet begin,” het sy gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Ekke

Hierdie kommentaar is 100% in die kol!

Frik Lotz

Hoe kan witmense in die land bly as daar geen werk meer vir hulle is nie? Regstellende aksie en SEB is rassistiese wetgewing wat diskrimineer teen minderhede soos byvoorbeeld witmense. Dis tyd om terug te slaan teen sulke rassistiese wette en daar kan begin word om op 8 Mei vir die VF Plus te stem. Goeie artikel deur Tammy Wessels. Doen so voort!

Kerrie Vlam-Skiet Briekstreep

.
.
Snaaks niemand praat oor die partytjie fotos van ou Sir Ril en die Apartheid leiers ,NP lede en ander Broederbond pappas wat saam skaterlag en rinkink….

.
..als lank voor die tyd bespreek..so hardloop die skape maar die uitgetrapte stofpaadjie elke dag…te blind om n nuwe een te trap deur die weiveld.

.
.

Melanie

Geen wit paddas geen wit geld. Spring ramaphosa spring!

MJ

Ek glo nie hierdie praatjies van CR nie – tensy hy hom ophou laat meesleur deur die groter ANC en self die land vorentoe neem, kan ek nie sien dat dit beter gaan word nie. Die vrot is ver te ver gevorder om om te draai. Ek en my man is oppad Kanada toe om te gaan kyk watter geleenthede en lewe mens daar sal kan hè. Dis kos ‘n spul geld, maar wanneer ons finaal besluit om te gaan sal alle eendjies vinnig in ‘n ry kan kom.. Dit gaan moeilik wees om te gaan, maar wat van ons… Lees meer »