ANC gebruik staatsgeld vir verkiesing, sê DA

Argieffoto

Argieffoto

Die Demokratiese Alliansie het Sondag die ANC daarvan beskuldig dat die party “skaamteloos staatsgeld gebruik om die ANC se verkiesingsveldtog te befonds”.

“Barbara Creecy, LUR vir finansies in Gauteng, het R100 miljoen van provinsiale geld begroot om kiesersregistrasie in die provinsie aan te moedig, ondanks die feit dat die Onafhanklike Verkiesingskommissie (OVK) R1,5 miljard per jaar van belastingbetalers ontvang om dit te doen,” het Ashor Sarupen, DA-LP in Gauteng, gesê.

Volgens die DA sal dit gunstiger wees indien dié geld aangewend word vir provinsiale departemente wat finansieel sukkel, veral die departement van gesondheid wat R1,4 miljard skuld en nie verskaffers betyds kan betaal nie.

Die party het ook aangedui dat die geld eerder aangewend kon word om die droogtebystandspakket, wat tans steeds na beraming R120 miljoen kort, aan te vul.

“Die ANC-regering is egter besig met ʼn ydele veldtog wat eerder die premier en die ANC bevorder as die verkiesing,” het Sarupen gesê. “Dit is ʼn skaamtelose misbruik van openbare geld om die ANC se verkiesingsveldtog te steun.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Ww

Dit is maar soos die ANC is skelm en agterbaks. Die Da en ook al die ander partye moet so ver moontlik al die inligting bekend maak sodat die kieser dit kan weet en hopelik korrek daarmee handel by die stembus

jaco

al die parlementslede, OOK die parlementslede van die DA, het onlangs 5% salarisverhoging gekry. met ‘n salarispaket wat voor die verhoging reeds meer as R1miljoen per jaar EN n lekker huis EN n lekker motor EN lekker onthaaltoelae EN verniet vlieg ingesluit het, is daardie salarispakket en die 5% verhoging OOK so te sê diefstal/verdure uitmelk van belastingbetalers se geld. Kortom, wanneer dit kom kla oor die vermorsing van belastingbetalers se geld, moet die DA doodstil bly.

FW

Nou hang hulle aan die groot klok vir almal om te sien.

GES

Die anc het geen respek vir belastinggeld, belastingbetalers of die land nie. Hulle beskou hulleself as gode en is hier om gedien te word. By monde van ons eie magsdronk koning het hy dit duidelik gemaak dat die anc eerste kom. Sy adjudante het ter ondersteuning gesê dat die anc hulle eie wette het en dus nie gebonde is aan die wette van die land nie.

So wat kan ‘n mens verwag van ‘n party met geen integriteit, gierig en ‘n onuitblusbare sug na eer? Nie veel nie. Hierdie is maar net die begin.

Rln

Tipies, wat anders dan? Wonder hoe leeg is die staatskas al… skraap seker al op die bodem..