ANC gee groenlig vir grondonteiening sonder vergoeding

ANC-se-vlag-deur-ANA

Die ANC se vlag. Foto: ANA.

Die ANC het gesê hulle sal voortgaan om wysigings aan Artikel 25 van die grondwet aan te bring wat die onteiening van grond sonder vergoeding sal bewerkstellig. Só het Enoch Godongwana, voorsitter van die ANC se subkomitee van die nasionale uitvoerende komitee oor ekonomiese transformasie, Woensdag gesê.

Dié uitlatings is tydens ʼn mediakonferensie by die ANC se 54ste konferensie in Johannesburg gemaak.

Godongwana het toegegee dat gemoedere hoog geloop het tydens die debat oor dié kwessie deur afgevaardigdes.

Godongwana het gesê sekere voorwaardes word aan dié besluit, wat tydens die party se beleidskonferensie in Junie aangeneem is, gekoppel.

Dit sluit onder meer die volhoubaarheid daarvan in. “Wat is die voorwaardes vir volhoubaarheid? Dit moet onder meer nie ʼn impak hê op landbouproduksie, voedselsekuriteit en ander sektore van die ekonomie nie,” het Godongwana gesê.

Artikel 25 van die grondwet handel oor eiendomsregte. Tot op hede het dit voorsiening gemaak vir die onteiening van grond indien dit binne die openbare belang of doelwitte val. Dit het egter duidelik gemeld dat die grondeienaars deur die regering vergoed moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

90 Kommentare

jongste oudste gewildste
Schalk van der Merwe

Zimbabwe 2. Wat se FW en Roelf nou? Dis nou soos ‘n toon aangewende grondwet moet werk ..

Jakalas

Dis maar net nog ‘n plooi om stemme te werf. Hulle sal dit nooit kan verander nie. As iemand daai grond gekoop het, kan hulle dit nie net vat nie. Al word daar niks op die grond gedoen nie. As hulle daai grond wil hê moet hulle dit by die eienaar koop wat die bond op daai grond het.

johan

dit gaan n hartseer dag wees in die land , soos die engelse gedoen het om net die grond te vat …… sien niks goed hierin die

Hennie

Baaaaasi baaaaai BELEGGINGS!

En hoE kan die ANC die grondwet verander sonder n 2/3 meerderheid? Onwettig!

Janine

Waarom leer hulle nie uit Zim nie?