ANC-hoë geskors ná Ramaphosa-opmerking

Pres. Cyril Ramaphosa. Foto: Kopano Tlape (DoC)/Flickr

Lindiwe Makhalema, die burgemeester van die Dihlabeng-munisipaliteit, is uit haar pos geskors ná ʼn Facebook-plasing wat op pres. Cyril Ramaphosa gemik was.

Makhalema is deur die ANC se provinsiale uitvoerende komitee geskors ná sy Ramaphosa as ʼn “verraaier” bestempel het.

Thabo Meeko, woordvoerder vir die ANC, het Donderdag gesê weens Makhalema se skorsing mag sy aan geen ANC-aktiwiteite deelneem nie. Sy is ook van haar pos onthef hangende die uitkoms van dissiplinêre stappe wat teen haar gedoen word.

Maroela Media het vroeër berig die betrokke opmerking is in ʼn Facebook-plasing gemaak op ʼn geslote Facebook-groep van sowat 80 000 ANC-lede. Een van die gebruikers het glo vir die lede gevra wie hulle dink die grootste “verraaiers” is, en Makhalema het geantwoord “Ramaphosa”.

Sy is glo vinnig deur lede vermaan en beskuldig dat sy verdeeldheid in die regerende party saai. Sy het egter gesê sy gee nie om of sy haar werk verloor nie en het voet by stuk gehou.

Makhalema is skerp deur Sefora Ntombela, premier van die Vrystaat, en Luthuli Huis berispe.

Die ANC het vroeër gesê dit het onlangs onder sy aandag gekom dat daar ʼn toename in verbale aanvalle en beledigings teenoor ANC-leiers, veral Ramaphosa, is en het die Vrystaatse uitvoerende komitee gemaan om dissiplinêre stappe teen Makhalema te doen.

Hulle meen dis moontlik om menings uit te spreek sonder om persoonlik aanvallend of beledigend te wees.

“Die ANC se sosialemediabeleid stel dit duidelik dat enige plasing op sosiale media wetlik, eties en met respek gedoen moet word. Reël 40 verhoed lede om uitlokkende taal te gebruik,” het die ANC in ʼn verklaring gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
t

Vryheid van spraak? in SA?
I think not…

Estie

Ek wonder hoeveel mense moet Donald Trump dan skors.

Ver links

It eas wrong to make such a statement. Pres CR and ANC is currently the best SA has ever had in decades. She must apologise.

Ver links

Meant…..It was wrong.

J

Ek wens so as hulle se iemand is geskors dat hulle sal by sit Met of sonder salaris Watse straf is dit as jy nou maande dalk jare by die huis gaan sit, jou volle salaris kry en net mooi niks doen nie