ANC-hoë skuldig aan dronkbestuur

Tony Yengeni. Argieffoto

Tony Yengeni. Argieffoto

Tony Yengeni, ʼn lid van die ANC se nasionale uitvoerende komitee, is Vrydag in die Kaapstadse landdroshof skuldig bevind op ʼn aanklag van dronkbestuur.

Yengeni is op 11 Augustus 2013 in Groenpunt in Kaapstad in hegtenis geneem nadat hy roekeloos met sy wit Maserati in die straat gery het. Hy het in Junie verlede jaar ontken hy was dronk toe hy in hegtenis geneem is en gesê hy het die betrokke dag net drie slukkies “Afrika-bier” gehad.

“As ek vyf keer oor die wettige perk was, sou ek ʼn ernstige ongeluk veroorsaak het. Ek stem nie saam met die staat se saak dat ek dronk was nie,” het Yengeni gesê. Hy het die DA, wat die Wes-Kaap en Kaapstad regeer, daarvoor blameer dat hulle die saak teen hom opgemaak het as deel van ʼn politieke komplot.

Yengeni is ook in 2007 op ʼn aanklag van dronkbestuur in hegtenis geneem, maar later vrygespreek. In hierdie saak is hy vrygespreek en die Goodwood-polisiestasie se bevelvoerder afgedank en skuldig bevind op ʼn aanklag van dwarsboming van die gereg omdat hy met Yengeni se bloedmonster gepeuter het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
ja neh

Natuurlik is hy mos nou weer onskuldig…..

tom

Hy dink mos hy’s n mnr

Alida

4 jaar later! Joke

Johann

Ons verstaan nie. Al drink hy HOE..hy word nie dronk nie. Soos sy Regter pel wat al vir jaaaaaaaare ná n skuldigbevi ding van dronk bestuur stteds nie gefire is nie. ANC highflyers is mos onaantasbaar!

Annie

Hulle doen nooit niks verkeerd nie … ek is al so moeg vir die klug spil