ANC-hoofsweep kap Madonsela

Die openbare beskermer, Thuli Madonsela. Foto: GCIS

Die openbare beskermer, Thuli Madonsela. Foto: GCIS

Stone Sizani, ANC-hoofsweep, het Thuli Madonsela, openbare beskemer, Woensdag daarvan beskuldig dat sy haar mandaat oorskry het rakende die Nkandla-verslag.

Sizani sê Madonsela het haar mandaat oorskry deur daarop aan te dring dat president Jacob Zuma moet reageer op die bevindinge in haar finale verslag oor Nkandla. Sizani sê Madonsela is verplig om die verslag by die parlement in te dien. Hy het gesuggereer dat Madonsela haar verantwoordelikheid teenoor die wetgewer verontagsaam deur te wag vir die president se reaksie. “Wat as die president nie in die tydsraamwerk wat deur die openbare beskermer gegee is, reageer nie? Verbied dit die openbare beskermer om haar verslag by die parlement in te dien?” het Sizani gevra. “Sy moet die verslag in die parlement ter tafel lê.”

Madonsela het in lyn met die Wet op die Etiek van Uitvoerende Lede vir Zuma twee weke gegee om op die bevindinge van haar Nkandla-verslag te reageer. Madonsela se verslag is op 19 Maart bekend gestel en het bevind dat Zuma en sy familie behoorlik by die veiligheidsopgraderings aan sy privaatwoning in Nkandla gebaat het. Die DA het Max Sisulu, speaker, versoek om ʼn spesiale ad hoc-komitee op die been te bring om die moontlik om Zuma te vervolg te ondersoek. Sisulu het Dinsdag bevestig dat hy die moontlikheid ondersoek. Hy het wel uitgewys dat Zuma 14 dae het om op Madonsela se verslag kommentaar te lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

3 Kommentare

alet ·

Laat Zuma vir hom kry hy kort n bekruk dat hy kan reg kom hy weet nie eers wat in die land aangaan as sy Oom Mac nie vir hom se en sy verslae uitskryf nie skande madisela 10uit10 vir jou hou so aan

Jasper ·

Stone Sizani. Dit is nou soos om stink winde te loop en los en almal te kritiseer wat hul neuse toe druk. Verlaat eerder die toneel so vinnig as moontlik !

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.