ANC-hoofsweep sê jammer oor Nkandla

Jackson Mthembu. Foto: polity.org

Die ANC erken dat hulle verskeie foute oor die afgelope vyf jaar begaan het, maar is vasbeslote om uit dié foute te leer, het Jackson Mthembu, ANC-hoofsweep, Donderdag gesê.

Mthembu het na afloop van die ANC-koukus se laaste vergadering van die vyfde parlement om verskoning gevra vir die koukus se steun aan verskeie onwettige besluite.

Een van dié besluite was die aanneming van ’n verslag wat voormalige president Jacob Zuma vrygespreek het van aanspreeklikheid vir onregmatige opgraderings aan sy Nkandla-woning. Dié besluit was strydig met die openbare beskermer se aanbevelings, erken Mthembu.

“Ons moes nee gesê het, maar ek dink ons ​​het nou die fondament gelê vir die volgende ANC-koukus om te kan nee sê,” het hy gesê.

“Wanneer jy na ons toe kom met iets wat onwettig en ongrondwetlik is en jy wil hê ons moet dit implementeer, gaan ons vir jou sê om dit self te implementeer. Ons wil nie ons integriteit verloor nie.”

Pres. Cyril Ramaphosa het LP’s gedurende die koukus toegespreek en het volgens Mthembu die lede bedank dat hulle ʼn grondslag daargestel het vir “gesonde spanning” tussen LP’s en die uitvoerende gesag wat aanspreeklikheid betref.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

39 Kommentare

pietman ·

Die woord “integriteit” kan op soveel maniere geïnterpreteer word dat dit absoluut geen waarde of betekenis meer het nie.

Afrikaner ·

Ek sal dit waardeer as jy ons in jou vertroue kan neem en en sommer nou al vertel watter foute julle vorentoe gaan maak waaruit julle gaan leer. Dis beter om voorbereid te wees.

Afrikaner ·

Maar dan sê hy hulle het foute oor net die afgelope 5 jaar gemaak, wat van 10 jaar gelede met Zuma se aanstelling en als wat daarop gevolg het? Wat van in Mbeki se tyd?

Hy wil dat hul foute maar sag op die oor klink.

wraggies ·

Ek is nogal verbaas dat Mthembu dink die ANC het nog integriteit om te verloor.

Hennie ·

Wat Mnr Mthmebu en sy koukus kollegas dus sê is dat hulle nie ‘n jaar of wat gelede integriteit gehad het nie en, in sy eie woorde, onwettige besluite gesteun het!!! Natuurlik het hulle nou integriteit uit die bloute bekom en kan dus voorts met die belatingbetaler se swaar verdiende geld vertrou word. Ongelooflik! Ek weet nie of ek die spulletjie sal vertrou om my hond te bad nie!

PJ ·

” Ons wil nie ons integriteit ” verloor nie siestog julle nog nooit integriteit gehad nie siestog

Leon ·

Die ANC is van nature boos en onbevoeg en dus sal dit weer en weer gebeur totdat alles vernietig is.

Koos de Meyer. ·

Famis last words. Yuo can’t even trust them on a photo.

Spike ·

comrades, kaders se verskonings is nooit opreg. Hierdie mense erken nooit as hulle ñ fout gemaak het nie. afrika en Westerse foute verskil hemelsbreed. Eerste voorbeeld is dat hulle ñ paar foute gemaak het, jammer jackson alles was sover ñ fout.

PJ ·

Seker nie van toepassing op hierdie berig maar luister nou na ramapromise se vrae en antwoord sessie hy sè sy mense gaan titel aktes kry wat bewys is dat dit aan die individu behoort ek het mos ok my titel akte wat dan mos bewys is dat dit my grond is ??????

Johan ·

Mnr Mthembu jammer maar ek dink nie die publiek sluk daai een nie. Julle het geen integriteit die afgelope 25 jaar vanaf 1994 nie, want as julle gehad het sou die land nie hier gewees het waar ons nou is nie. Julle wat in die parlement gesit het en Suid Afrika eerste moes stel, dit is wat julle beloof met die hand op die hart het besluit die ANC – julle party is eerste wat kom en dan Suid Afrika tweede. So het die een president na die ander een met julle toestemming en support die land gebring waar hy nou is. Jy is daar van 2016 en elke keer glo ek het jy teen Zuma se uitsetting as president gestem en toe die verslag oor Nkandla bekend gestel was jy lekker gelag daaroor. Help nie nou om soos jou president CR te se dit was verlore jare nie, julle was deel van die gemors. Almal moes uit die parlement ontslaan gewees het toe Zuma die pad gevat het.

Theoman ·

As ek so na die foto van Jackson kyk dan lyk dit vir my al te veel na” lippe taal,”
dit gaan nou al so vir die afgelope 23 jaar, foute na foute…. ens ens……..

LS ·

Die koukus van 200+ plus moes integriteit getoon het toe hulle gestem het in die “vote of no confidence”. Ek dink daar was seker 4/5 stuks daarvan….help nie om nou te probeer edel wees nie…. Jammer beteken boggerol vir die goeie karakter wat julle moes getoon het.

George van Bloem ·

5 Jaar? Rerig? Probeer eerder 25 jaar meneer want vir die afgelope byna 25 jaar strompel die onbeholpe korrupte ANC sirkus en al sy narre van die een krisis voort na die volgende een.Noem hulle maar op meneer – Eskom,Transnet,Denel,SAL ag man,die lys hou aan en aan en aan ens…… Nie almal is onnosel genoeg om al julle snert wat julle aan die kiesers wil verkoop te glo nie maar ongelukkig vir ons land was die waarheid die eerste slagoffer van die Nuwe Suid Afrika.

Frying Frog ·

Doen die regte ding en laat die hele anc bedank. Dan begin ons van voor af.

koos ·

Leer is nie genoeg nie. Stel reg en vervolg ALLE betrokkenes, dan sal ek julle glo.

SB ·

Niemand in die ANC het integriteit nie. Maklik om nou om verskoning te vra oor Nkandla nadat al die belastingbetalers se geld vermors is om ‘n korrupte dom president en sy harem van oorgewig vroue in oorvloed aan die lewe te hou. Nou is Ramaphosa se seun – en moontlik ook hy – deur korrupte geld verryk. En al wat die miljoene op die grond kan doen is maar net om weer vir die spul kriminele te stem op stem dag.

Dries du Toit ·

Waat sê die man. As iemand na hulle toe kom om n onwettige besluit te laat implimenteer dan gaan hulle sê nee implimenteer homself. Goeie hemel. Hulle is dan die regering. Hulle moet sulke mense vervolg.

BlinkStephaans ·

Ag te oulik man… kom ek sê jou wat… begin solank die span wie se name almal by Zondo en al die ander kommisies genoem is bymekaar maak… maak van hulle n voorbeeld van hoe jul integriteit nou en vorentoe gaan lyk… dalk kan ons dan weer gesels.

Afrikaner ·

En daar bevestig vandag hulle hulle gaan die reserwebank nasionaliseer. Hoofsweep, hoe kan ons jou ooit glo?

Amadeus ·

Wat n lafaard! Ek onthou nog sy smalende gesig toe Zuma in die parlement uitgejou is.
Politici tree op uit vrees vir gevolge en nie volgens hulle gewete nie.

SjN ·

Hy behoort verseker aan n mediese fonds met sy staats pakket, hy lieg nog steeds deur sy tande. Laat dit herstel asb.

Gert van Wierdapark ·

Nkandla was toe al die tyd net die Weerlig-afleier vir onder meer die R500 Biljoen Eishkom Verraad, SAL se Billions of Dollars se Hek-Duik-Sukses ens. ens.!

Sê net ·

Nuwe navorsing het ‘n ou bekende mite bevestig. Dit is moontlik om onmiddellik te weet wanneer ‘n ANC kader lieg. Hou net hulle lippe dop, dit beweeg…

Hanna Hoekom ·

Meriete, integriteit… Alles Westerse begrippe! Spaar jou asem en begin solank t-hempies en mieliemeel uitdeel! Die massas sal tog net weer ANC stem.

Akademi Buktu ·

As daar maar net ‘n tikkie se erns in jou stelling is, wys dit dan deur Zuma by alle ANC aktiwiteite te verbied. Sy teenwoordigheid is dan mos ‘n belediging vir die belastingbetalers én die kiesers? Maar nou ja, ons weet mos jou woorde is niks werd nie.

Willie ·

Dit verbaas hoe eish ek is jammer alles regmaak, maar geen gevolge dra nie?

Ore ·

Soos die rugby spelers na ‘n verloor met harseer gesigte se ,”back to the drawing board” en dan speel hulle dieselfde spelpatroon.ANC onderskat ons intelligensie

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.