ANC-hoofsweep se vrou in hof vir bedrog

Argieffoto

Argieffoto

Portia Sizani, vrou van die ANC-hoofsweep Stone Sizani, het Woensdag in die handelsmisdaadhof in Port Elizabeth verskyn op aanklagte van bedrog en geldwassery, berig City Press.

Sizani het die departement van onderwys glo tussen 2009 en 2010 uit meer as R1,2 miljoen bedrieg toe sy as onderwyskoördineerder gewerk het by die eenheid vir vroeë kinderontwikkeling in Port Elizabeth.

Die staat voer aan dat Sizani werk gereël het vir sogenaamde “spookonderwysers” wat nie bestaan het nie. Sy het mense glo diensaanvaardingforms laat teken, wat op haar aandrang ook deur skoolhoofde geteken is.

Sizani is in Desember 2012 in hegtenis geneem en haar verhoor is glo vir meer as ‘n jaar vertraag weens beweerde swak gesondheid.

Die verhoor gaan Donderdag voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Peter Says ·

En die finale uitslag sal wees…You are free to go…

Estelle ·

Peter says – you forgot to add: and see you in court again, soon!

Babs ·

Snaaks dat alle ANC korruptes altyd een of ander siekte het wat hulle beskerm. Is daar enige eerlikes in die ANC regering. Sal seker maar ‘n kort lys wees. Geen opgeskorte vonnis vir haar. Laat sy sit!

Theresa ·

Lekker man lekker. Onthou al die vorige “siekes” wat nou lekker rondloop. Maar wys jou nou net. Hulle streke sal nooit verander nie. Wil net meer en meer hê, lieg en bedrieg. Deel van hul daaglikse roetine.

VerVanRyn ·

Getroudes moet tog weet as iets vrot ruik by die ander; hierdie ANC-hoofsweep gaan wel seker nie ondersoek word nie.

veronica ·

VerVanRyn: Hoe het ek dan met jou jong? Die arme Hoofswepie kon dan nou mos NOOIT geweet het van sy liefie se sondetjies nie!! Hy was maar net te bly oor die klein luuksetjies wat na sy kant toe gekom het! So onskuldig soos ‘n pasgebore baba! OOOOO! Red nou ‘n land!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.