ANC-jeugliga: ‘Laat soldate los op EFF’

julius malema eff

Julius Malema. Foto: Werner Beukes / SAPA

Die ANC-jeugliga het gesê hy sal verhoed dat die EFF “die land destabiliseer”.

Collen Maine, president van die ANC-jeugliga, het gesê hulle sal met pres. Jacob Zuma as opperbevelvoerder van die land se gewapende magte vergader om “soldate op die EFF los te laat” ná Julius Malema, EFF-leier, se omstrede uitlatings oor hoe hulle Zuma uit sy amp sal verwyder.

“Ons is ʼn konstitusionele demokrasie en ons as die jeugliga het nie wapens nie aangesien ons nie finansier word deur Johann Rupert en almal anders nie. Ons sal op die staat en sy masjinerie staatmaak om dit te doen,” het Maine aan verslaggewers gesê na afloop van die jeugliga se vergadering van sy nasionale uitvoerende komitee.

Op ʼn vraag aan Maine of só beroep nie sal neerkom op ʼn burgeroorlog nie, het Maine gesê die jeugliga sal nooit ʼn beroep vir oorlog doen nie. “Die jeugliga het gesê dat wie ook al vir Zuma wil veg, dit deur ons sal moet doen. Ons sal egter enige pogings om ʼn burgeroorlog in die land te bewerkstellig teenstaan.”

Malema het in ʼn onderhoud met Al Jazeera gesê dat die demokraties verkose regering “deur die loop van ʼn geweer” omvergewerp sal word. Die ANC het hierna aanklagte teen Malema by die Hillbrow-polisiestasie aanhangig gemaak.

Nathi Nhleko, minister van polisie, het tydens ʼn mediakonferensie by die parlement Malema se uitlatings as “roekeloos” en as “opstokery” beskryf en gesê dit het die potensiaal om “die land in chaos te dompel”. Nhleko het gesê die saak word nou deur die Valke ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
GES

Hond gaan vir hond eet.

Rupert Ashford

Alles goed en wel, maar kom blatante leuens en verbuiging van die reels om hulle kaders te beskerm nie maar amper op dieselfde neer nie?

Gert

Die ekonome en slim mense het gewaarsku , die land moet stabilieseer en mense moet werk en bou aan die land om “Rommel status” te voorkom , kyk wat gebeur nou . Vir die buite wereld lyk dit of burger oorlog op pad is , dan gaan ons af gegradeer word na Rommel toe . Liewe hemel kan die klomp nie dink nie ??????????

Rynhardt

Anc se jeugbrigade en EFF knor vir mekaar soos twee honde, maar op die ou einde stap niemand met die groot been weg nie!!

Pappa Beer

Ek se laat die lot mekaar uitsort met hulle gewere, MAAR hoelank voor daardie geweer lope en vissiere op die blanke en afrikaners gerig word?