ANC-leier aangekla: Naam bekend gemaak

Die ANC in die Wes-Kaap se leierskorps. Marius Fransman in die middel met bruin baadjie. Foto: ANA

Die ANC in die Wes-Kaap se leierskorps. Marius Fransman in die middel met bruin baadjie. Foto: ANA

Die ANC het Vrydag bevestig dat ʼn klag teen een van sy senior leiers aanhangig gemaak is.

Yonela Diko, die ANC se woordvoerder in die Wes-Kaap, het bevestig dat daar ‘n klag van seksuele teistering teen Marius Fransman, Wes-Kaapse ANC-leier, aanhangig gemaak is.

Diko het gesê die saak is in Rustenburg ingedien waar Fransman deel is van die ANC se 104de verjaardagvieringe. Volgens Diko het hy nie in die stadium enige verdere besonderhede oor die beweerde voorval nie.

Kol. Sabata Mokgwabone, woordvoerder van die polisie, het bevestig ‘n saak is aanhangig gemaak en word ondersoek. Hy het gesê niemand is nog in hegtenis geneem nie, maar kon geen verdere besonderhede bekend maak nie.

Zizi Kodwa, die ANC se nasionale woordvoerder, het ook gesê hulle is bewus van die saak. “Ons herbevestig die ANC se geslagsbeleid rakende respek vir vroueregte”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ouman

Blinde sambok?

Marius

Die naam van ANC-leiers met rekords en aantuigings teen hulle – word sodoende hoog gehou… Net soos die Rand teen die Dollar en die wanvertroue in die leierskap…

Manie

So val die Kaders! As jy ‘n gat grawe vir ‘n ander ou kan jy maklik daarin val.
Siestog seker weer Apartheid se skuld!
Of dalk Rassisme! !

Ingrid

Net uiters pateties en Dom. Sodra jul die eerste ding weg vee dan spring nog iets op. ANC admit net dat julle nie reg is om n land te regeer nie, julle gaan aan soos n klomp spoiled brats.

PJ

Jan van Riebeeck se skuld Fransman kom hoeka van die Kaap seker net bietjie wyn gevat