ANC-LP doodgeskiet

Sibusiso Radebe (Foto: Facebook)

’n Parlementslid van die ANC, Sibusiso Radebe, is in Roodepoort aan die Wes-Rand doodgeskiet.

Radebe was ’n LP uit Mpumalanga. Die radiostasie Pretoria FM berig die moord op Radebe is bevestig deur die ANC se adjunk-hoofsweep, Doris Dlakude.

Die presiese besonderhede oor die omstandighede van die moord is tans vaag. Dit is onduidelik of die motief vir die moord polities of krimineel was.

Meer besonderhede het intussen aan die lig gekom oor die moord op Radebe.

Pretoria FM berig die bevelvoerder van die Roodepoort-polisiestasie, brig. Sam Manala, het gesê dat Radebe saam met ʼn ander persoon in ʼn voertuig buite ʼn huis gesit het toe hy van buite die voertuig geskiet is.

Die motief vir die skietery is tans nog nie vasgestel nie. Dlakude het die hoop uitgespreek dat die polisie spoedig sal vasstel wie vir Radebe se moord verantwoordelik was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Max

Die motief vir die moord kan ook etnies wees.

Michael

was dit polities of krimineel ? Nee dit is moord SA se mees gesogte sport soort.

jaco

Was dit ook net “gewone misdaad”?

hoe sê

Afrika Demokrasie in aksie

Lana

Staan jy voor jou huis en
Op die stadium wat die moord gepleeg word, het die slagoffers geen reg om te lewe, MAAR wanneer die moordenaars in die hof staan het hulle nie net die reg om te lewe, maar baie ander regte ook.
Kan iemand vir my die sin hierin verduidelik?