ANC-LP word geïmpliseer in Bosasa-skandaal

Cedric Frolick van die ANC is weer as huisvoorsitter van die nasionale vergadering verkies (Foto: Tracey Adams/ANA)

Cedric Frolick, Grace Boroto en Madala Mtombela is Donderdag amptelik as voorsitters in die nasionale vergadering verkies, maar nie voor die DA sy eie kandidaat genomineer het nie. Dié party moedig ʼn “multiparty-kultuur” aan in die parlement.

DA-hoofsweep John Steenhuisen het aangevoer dis ʼn goeie praktyk in ander lande om LP’s van opposisiepartye aan te stel as toesighoudende beamptes om multiparty-politiek aan te moedig.

Steenhuisen se voorstel, dat Annelie Lotriet Frolick moet vervang as voorsitter verantwoordelik vir parlementêre komitees, was onsuksesvol tydens ʼn stemmery. Altesaam 205 LP’s het teen die besluit gestem, met 15 persone wat buite stemming gebly het. Altesaam 83 stemme (dieselfde getal LP’s wat die DA in die parlement verteenwoordig), het die mosie ondersteun.

Boroto is die voorsitter verantwoordelik vir ledebelange en Mtombela sal internasionale betrekkinge hanteer.

Die ANC het onder skoot gekom dat hy Frolick by sy lys vir voorsitters ingesluit het, aangesien hy deur getuienis voor die staatskapingskommissie geïmpliseer word.

Angelo Agrizzi, voormalige uitvoerende bedryfsbeamptes van Bosasa, het in Maart aan die staatskapingskommissie gesê hy was minstens twee keer teenwoordig toe Frolick “sekuriteitsakke” ontvang het. Volgens hom was daar waarskynlik kontant in dié sakke. Frolick sou op sy beurt Bosasa help om, onder andere, vergaderings te belê met politici wat politieke gunste vir die maatskappy kon bewillig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Skepties ·

Ooooo ek brand om Frolick nie meer so vrolik te sien nie. Hy was een van Zuma se voorsangers tydens sy pos as waarnemende Speaker in die parlement. Sy pogings was duidelik partydig en openlik vyandig teenoor oposisielede.

Kobus ·

Maar not steeds dieselfde storie, hoe meer korrup hoe groter jou bevordering

Dirk ·

Wat se dit vir ons omtrent die kader parlementslede wat hom verkies het? Dit se vir ons dat hulle deel is van die korrupsie. Wat se dit van die kader wat Frolick gaan vervang? Dit se vir ons dat staatskaping n gesamentlike poging van kaders was en dat geen ANC kader uitgesonder kan word nie. Die verskillende ANC faksies se mandjies is beide vol gepak van die vrot appels! Dit se vir ons verder dat mense wie nie kaders is nie hulle geld moet wegsteek of oorsee moet skuif. Dit se vir ons verder dat geld wat deur die regering geleen word gaan aanhou vloei na die ANC elite en kaders wie onregmatig aangestel was by SOE’s. Dit se vir ons dat kaders sonder uitsondering oor n onderduimse mentaliteit van korrupte ingesteldheid beskik. Dit se vir ons dat enige instansie waar kaders ontplooi word nie onafhanklik van die gesamentlike onderduimse poging is nie, ingesluit die regsbank. Dit se vir ons dat die droom dit ten doel het om Suid Afrikaners te paai en te mislei om hulle swaarverdiende geld vir die kaders te gee wie net vir vandag leef. Die toekoms en die nageslag sal vir hulself sorg! Dit alles dui dus daarop dat die droom dit inderwaarheid ten doel het om vir mense wat nie kaders is nie, te ontaard in n nagmerrie! Slaan terug moet dus verander na slaan eerste en slaan hard sonder ophou!

Andrea van Vuren ·

Dis hoog tyd dat Jacques Pauw ‘n opvolg skryf van “The President’s keepers. Sy 2018 weergawe klink soos ‘n Sondagskoolpiekniek teen die huidige skrikwekkende korrupsie! Wat van ‘n nuwe hoofstuk oor die pasaangestelde komiteevoorsitters in Luthuli-huis? Die huidige OB sal vir genoeg vermaak sorg in die slothoofstuk. Komaan Jacques, ons wag!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.