ANC neem beheer van Nelson Mandelabaai

Nelson Mandelabaai se nuutverkose burgemeester, Eugene Johnson, aan die woord tydens die vergadering, (Foto: Yongama Zigebe/Twitter)

Die ANC se Eugene Johnson is Maandag tot burgemeester van die Nelson Mandelabaai-metro verkies.

Dit was ʼn naelbytstryd tussen die ANC en die DA. Johnson het haar teenstander – Nqaba Bhanga, DA-leier in die Oos-Kaap – met slegs een stem geklop.

Geen party het ʼn volstrekte meerderheid stemme tydens die munisipale verkiesings verwerf nie en partye was dus afhanklik van koalisies om te besluit watter party se kandidaat die belangrikste amp gaan beklee.

ʼn Bittere leierskaptwis tussen die DA en ANC woed reeds etlike jare in dié munisipaliteit, met die DA wat die laaste keer in Desember 2020 die leisels by die ANC oorgeneem het.

Die ANC se Johnson het Maandag egter 60 stemme ontvang teenoor Bhanga, wat 59 stemme ontvang het.

Die raad bestaan ​​uit 120 setels en slegs een raadslid was tydens vanoggend se raadsvergadering afwesig toe die nuwe raadslede ingesweer is.

Die ANC beklee ook die pos van onderburgemeester nadat die ANC-raadslid Bulelwa Mafanya onbestrede tot onderburgemeester van Nelson Mandelabaai verkies is.

Gary van Niekerk van die Northern Alliance is intussen tot speaker van die metro verkies. Ook hy het die DA met slegs een stem geklop.

Die metro se raad is eweredig verdeel tussen die ANC en DA, wat elk 48 setels beklee. Die EFF beklee nege setels, die Nasionale Vergadering drie en die ACDP en VF Plus elkeen twee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Swerwer

Daar gaan Nelson Mandelabaai!

SirDikDeDunnerin

Daar dit n gesoute DA lid is wat nie die verigtinge by gewoon het nie – is dit heel moontlik die DA wat nie as minderheidsregering n stadsraad wou beheer waar elke besluit tot wanorde kon lei.
Eerder wanordelike ‘bestendige’ plaaslike reg. as wanorde. Die groot risiko is om n verkiesing af te dwing, dink die DA sal steun verloor.

Om 60 – 60 uitslag te kry meen van die EFF het vir DA gestem.

Dup

Die begin van die einde…..korrupsie en bedrog is terug in dié metro en dienslewering by die agterdeur uit.

AW

Dis Nag !!!

Gompie

Totsien NMB glo ons gaan die begrafnis ook mis.