ANC neem Wes-Kaapse munisipaliteit oor

Die sekretaris van die ANC in Wes-Kaapland, Faiez Jacobs. (Foto: Facebook)

Die Cederberg-munisipaliteit in die Wes-Kaap is in omstrede omstandighede deur die ANC oorgeneem nadat die DA-speaker van die raad, Bertie Zass, in ʼn verrassende en klaarblyklik onregmatige stap ʼn mosie van wantroue in sy DA-kollegas laat dien het, toe bedank en hom by die ANC aangesluit het.

Die munisipaliteit Cederberg bedien ʼn gebied net noord van die Piekenierskloofpas aan die Weskus en sluit dorpe soos Citrusdal, Paleisheuwel, Wuppertal, Clanwilliam, Graafwater, Lambertsbaai en Elandsbaai in.

Die DA het sedert 2016 se munisipale verkiesing die munisipaliteit met ʼn meerderheid van een setel beheer saam met ʼn klein plaaslike party genaamd die ADC. Maar in gister se raadsvergadering het Zass vanuit die speakerstoel ANC-mosies van wantroue in homself, die DA-burgemeester William Farmer en die ADC-onderburgemeester, Francina Sekhuyokha, laat dien.

Hy is deur die munisipale bestuurder gemaan dat sy optrede onwettig is omdat die Wes-Kaapse plaaslike regeringsregulasies vereis dat mosies van wantroue slegs kan plaasvind met vooraf kennisgewing.

Hieraan het Zass hom nie gesteur nie, en die ANC het, met sy steun, ʼn nuwe burgemeester (Sylvia Qunta), ʼn nuwe onderburgemeester (Mariaan Nel) en ʼn nuwe speaker (Paul Strauss) verkies gekry voordat Zass as raadslid en DA-lid bedank het en hom by die ANC aangesluit het.

Zass se bedanking beteken ʼn tussenverkiesing sal binnekort plaasvind in wyk 3 van die munisipaliteit. Dit is die wyk in Clanwilliam.

Die leier van die DA in Cederberg, Lorraine Botha, het gesê wat plaasgevind het, is onwettig, ongeldig en niks anders as ʼn staatsgreep nie.

Die sekretaris van die ANC in Wes-Kaapland, Faiez Jacobs, meen egter dis ʼn aanduiding dat gemeenskappe hulle al meer tot die ANC wend, en dat dit nie die laaste keer is dat so iets gebeur nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

21 Kommentare

Anoniem ·

Beveg dit, moet net nie die uitslag gelate aanvaar nie

DIT IS NIE OPREGTE DEMOKRASIE NIE !!!

Kerneels ·

Wonder wat het hulle hom betaal om sy speaker salaris op te gee. Moes die moeite werd gewees het want hy is nou nie meer raadslid nie.

Gebelowe ·

Leer nou een les: NIKS in die land is onwettig nie! Die DA moet ophou huil en hul kiesers gelukkig hou, dan sal sulke dinge nie kan gebeur nie. LUISTER na die kiesers se probleme en hou op beloftes maak.

Henk ·

Die saak sal, soos so dikwels in SA, in die hof draai en die ANC se “bewind” sal maar kort van duur wees.

Jerry ·

Die DA was gewaarsku dat die anc en eff van hulle lede binne die DA geplant het en wie toe reeds begin aandring het op Steenhuisen se pos. Dit is dus tewagte dat daar meer sulke verrassings sal plaasvind!

Clipper ·

Nou wonder ek watter mense het hulle tot die anc gewend as die mankolieke burgemeester die enigste een wat betrokke was. Die DA hoef eintlik nie die storie te beveg nie want eintlik moet die anc dit ongeldig verklaar. Ons weet egter dat die anc nie sal optree so die hof sal maar moet besluit

emma ·

Ai Ai Ai Die ANC regtig? Hoekom is hulle so onderduims.? As dit nie geld is nie, is dit sommer iemand omkoop om die streek oor te neem. Dit se ook nie baie van Bertie Zass nie. Swak baie swak

Wonder ·

Nee Gebelowe!!! Glo my die ANC belowe al 25jaar lank en ons gaan elke dag meer en meer die afgrond af..Als is korrup wat hulle doen. Stem gelukkig nie vir een van hulle nie!!
Sport, Kultuur, Hospitale, Skole en soveel meer is onder die ANC en als val uitmekaar! So dan kyk ons oor 6maande weer hoe lyk daardie gebied weer! Slim vang sy baas!

Christine ·

Stadig maar vir seker gaan die ANC die hele land oorneem. Dit is n 25jaar plan deur Cosatu se stigter, Mnr Cyril Ramaphosa….
Ons sal moet besluit of ons armies gevou gaan SIT en TOEKYK, of gaan ons iets DAADWERKLIK daaraan doen? Ons het hiper-intelligente blanke burgers in hierdie land, wat presies WEET hoe om hierdie probleem op te los, maar ek is seker daarvan dat almal te bang geword het om n teiken te wees.

So snaaks ·

Stem definitief nie vir die ANC nie, want na 25jaar gaan als die afgrond in…So kom ons kyk wat vermag hulle indaardie gebied in 6maande. Sterkte aan die inwonders!

Pieter ·

DA of ANC…voëls van eenderse vere. Politici is beroepsleuenaars. Ongelukkig is die stemvolk in SA steeds kanonvoer vir hierdié skuimwesens.

Jason ·

Die ANC Freedom Charter eindig op, op volslae kommunisme. Dit is wat dit is. Ons is oorgevat deur kommunisme en daar wag ‘n onsaglike moeilike pad voorentoe. Want hulle gaan vir ons kom, een of ander tyd.

Pieter ·

Kan mense nog so dom wees na 25jaar se bedrog en leuns van die ANC? In daai geval verdien hulle mekaar!

jaco ·

dis ook al hoe kleurlinge nog werk kry: sluit maar uit desperaatheid by ANC aan. Dié nuwe kleurling lid van die ANC se mede-kleurlinge kry egter swaar werk en moet gereeld hoor:
you are not black enough
OF
die nasionale demografie moet in die personeelsamestelling weerspieel word

Ek suig nie die kommentaar uit my duim nie. ek het bewyse.

ANC ·

Die aglose Bertie Zass was in sy politieke loopbaan al ten minste, 2keer lid van elke party. Dit skep die vraag, Is hy Lojaal teenoor sy party? Of Lojaal teenoor die paypakkie aan die einde van die maand? Nou sit en wonder ek wat hy aangebied is om terug te kom na die ANC. (Laat ek eers klaar lag voor ek verder skryf…) hoekom stry en baklei partye oor n klomp halfgeskooldes? Ons 1990 leerders is meer as capable genoeg om die Municipality te lei. Ek hardloop nie agter so min wiskunde punte aan nie

Dries du Toit ·

Dit is nou verraad in sy hoogste vorm. Veragtelik en verfoeilik. Die bybel waarsku ons dat jy vervloek sal word as jy jou vertroue in die mens sit en nie in God nie

WABez ·

Gaan stem vir selfbeskikking by: “h t t p s : / / www. voteforselfdetermination. co. za/” (haal net die spasies uit), en gaan ondersteun Craig Mongomery deur aan te sluit by: “h t t p s : / / usac. center/join-usac/” (haal maar net weer die spasies uit).

A Mac ·

Nog ‘n kruisie langs die DA. Stadig maar seker is hul besig om mense te verloor. Veral met optredes soos hierdie – hierdie aksie is mooi deurdink en toegepas sonder slag of stoot. Nou kyk ons met ‘n frons na elke DA-verteenwoordiger. (so terloops, het die man dalk enige “voordeel” hetsy finansieël of andersins getrek uit sy oorlopery)

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.