Ace Magashule, sekretaris-generaal van die ANC en woordvoerders Pule Mabe en Dakota Legoete na afloop van die vergadering. (Foto: Gertrude Makhafola/ANA)
Die ANC het sy Jeugliga (ANCYL) ontbind en ʼn taakspan aangestel om dié arm van die regerende party weer op te bou.
Ace Magashule, die party se sekretaris-generaal, het Dinsdag tydens ʼn mediakonferensie ná afloop van die vergadering van die party se nasionale uitvoerende komitee (NUK) gesê die Jeugliga se mandaat het verstryk.
Die NUK het die afgelope naweek in Irene in Pretoria vergader.
“Die nasionale jeugtaakspan moet die proses lei om die ANCYL weer op te bou, ʼn plan van aksie in werking stel en ʼn nasionale kongres vir die ANCYL te organiseer,” het Magashule gesê.
Lede van die Jeugliga het Vrydag wéér betoog en die verwydering van die ANC se ringkoppe, wat hulle “bejaard” genoem het, geëis.
Die ANCYL het gesê die top-leiers moet van hulle pligte onthef word, omdat hulle mandaat ook verstryk het.
Thandi Mahambehlala, ʼn ANC-LP, is die sameroeper van die nasionale taakspan, terwyl Sibongile Besani, hoof van die ANC-presidensie, die koördineerder is.
Die span sluit ook verskeie ANC-NUK-lede, provinsiale voorsitters van die ANC Jeugliga, asook sommige van sy nou ontbinde top-ses-leierskap, onder wie Collen Maine, Desmond Moela, Njabulo Nzuzu en Reggie Kabine, in.
Die jonges van die ANCYL begin nou met kampe om jonges te leer skiet. Raak nou militant.
Die troef A is in die kol = die a en see se mandaat se raklewe is verby!!! Finish en Klaar
Hulle word ontbind om weer opgebou te word? Ek verstaan nie ……
Die opskrif is ietwat misleidend. Net die bestuur is ontbind.
Gaan lees bietjie in die Sowetan hoe hulle weer opgebou gaan word. Jonges moet nou kom aansluit, eers kampe bywoon waar hulle opleiding gaan kry hoe om oorlog te voer, wapens te hanteer, dissipline geleer gaan word (hoe om opdragte uit te voer sonder om vrae te vra, m.a.w. ge-brainwash) te word. Hulle gaan nou ‘n militante organisasie word. Ek wonder net, enige opleidingsentrum moet seker geakrediteer wees? O ja, ek het vergeet…. die ANC hoef mos nie te voldoen aan hulle eie regulasies nie.
Word wakker julle, hulle ontbind die jeugliga sodat hulle nie hoef skuld te vat wanneer daai “jeugliga” ouens begin om mense aan te val na hulle militere training in Augustus nie.
“janee” jys is heeltemal reg. Hierdie is net oë verblindery!! Dis hoogtyd dat ons die klappe van ons oë af haal.
jaag die “ouens” weg..hulle het jare tyd gehad om hulle sakke te vul…die jonges soek nou ook hulle luukse karre en mansions
Die EFF gaan baie nuwe lede bykry!
Die anc is verby hier kom net nog meer wanorde as ek so kyk en luister
Nou is die fabriek tot niet.Weklikheid en realiteit is nou se tyd.Jeug liga vra vir jul verteenwoordigers waar heen is hulle op pad want ons sien net donkerte op alle gebiede.
Pleks Ace homself ook ontbind.
Ace doen meer as Cyril Rampokker. Lg. gaan binnekort ook seker in die pad gesteek word. Die kader werk hard genoeg daaraan.
‘Ace doen meer as Rampokker…’ ja, hy is besig om Ramaphosa uit te werk. Aa Ace die volgende president word is SA gedoem…. dan gaan ons burgeroorlig hê. Ace is ‘n diktator soos jy net in Afrika kry.
Wil net dankie sê aan comr Maine AKA oros vir die wonderlike werk wat hy gedoen het om die giftige militante organisasie se tande te trek hoop net nie n 2 de Malema word weer met kaal boude ingestem nie