ANC oor grondeise gekap

Argieffoto

Die DA het die ANC daarvan beskuldig dat dié party die oordrag van 1,4 miljoen hektaar grond van regmatige grondeienaars weerhou.

Annette Steyn, die DA se woordvoerder oor landbou, het Sondag in ʼn verklaring gesê die party is hoogs bekommerd oor die ANC-regering se gesloer om die grondherstelproses dringend op te los.

“Terwyl duisende grondeise nog nie afgehandel is nie, weerhou die ANC-regering die oordrag van 1,4 miljoen hektaar grond ter waarde van R8,6 miljard,” het Steyn gesê.

Sy het gesê in ʼn skriftelike antwoord op ʼn parlementêre vraag deur die DA het dit aan die lig gekom dat die ANC sedert 1996 nagenoeg R21 miljard bestee het om 3,4 miljoen hektaar grond te verkry. “Daar is egter net twee miljoen hektaar oorgedra, wat beteken dat slegs 59% van die grond oorgedra is terwyl 41 % nog oorgedra moet word,” het sy gesê.

“Die gesloer met die grondherstelproses is ʼn duidelike aanduiding dat die ANC nie ernstig is om te verseker dat ons mense hul grond kry nie. Grondkwessies word net deur die party rondgegooi om met mense se emosies te speel in ʼn desperate poging om stemme te werf. Hulle is nie regtig ernstig oor transformasie nie.”

Steyn het gesê buiten die politieke speletjies verdeel die party net grond onder sy lede en die Gupta’s.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
KP

Dit gaan nie vir hulle om grond vir die msssas te gee nie, grond is n goeie speelbal om die massas op te sweep en word eerder so gebruik.

Jakalas

En dis hoekom ek nie vir die DA stem nie. Hulle het nog grond herforming as een van hulle mandate. Verkies liewers die VF+ of Front Nasionaal.

Eish

Hul hou dalk die beste grond vir politici.

John

?.. die grond is reeds oorhandig aan…. Vind uit aan wie.

Divan

Hannes , al verloor jou rugby span skree jy tog nogsteeds vir hulle nie waar nie , help nie jy stem DA want hulle is die 2 grootste nie , Maimane het ook ANC gestem die eerste keer , stem vir jou waardes nie om net van die ANC ontslae te raak nie ,Jakals en Inge ek 100% agter julle.