ANC-raadslid vas vir verkragting

hof-hamer

Argieffoto.

Die raadslid van die ANC in Mpumalanga wat vroeër vandeesweek vasgetrek is vir die verkragting van ʼn tienermeisie meisie sal uit die party geskors word indien hy skuldig bevind word. Só het die ANC Saterdag in ʼn verklaring gesê.

Sello Matshoga, woordvoerder van die ANC in die Nkangala-gebied, het aan African News Agency gesê die raadslid het Vrydag in die Mdutjana-landdroshof in Siyabuswa voorgekom op aanklagte van verkragting. “Hy sal Dinsdag weer in dieselfde hof voorkom waar hy na verwagting sal aansoek doen vir borgtog,” het Matshoga gesê.

“As ons sien dat die staat ʼn sterk saak het, met bewyse vorendag kom en sy borgtogaansoek suksesvol teëstaan, sal ons hom aanraai om te bedank,” het Matshoga gesê.

Volgens Matshoga sal die ANC hom dan skors en aan ʼn interne dissiplinêre verhoor onderwerp. Indien hy skuldig bevind word, sal sy ANC-lidmaatskap ook opgehef word.

Die man was ʼn raadslid in Siyabuswa by die DR JS Moroka-munisipaliteit. Die beweerde verkragting het twee weke gelede plaasgevind. Matshoga het sy verbasing uitgespreek dat die ma van die slagoffer eers twee weke gewag het om die saak aan te meld.

“As sy uitgevind het haar kind is verkrag, hoekom wag sy vir twee weke om die saak aanhangig te maak,” het Matshoga gesê.

“Ons het as die ANC met die beskuldigde gepraat en hy het die verkragting ontken. Ons wil nie die saak vooruitloop nie en sal wag vir die howe en die polisie om hul werk te doen. Ek is nie seker hoe oud die meisie is nie, sy kan tussen 16 en 18 jaar wees,” het Matshoga gesê.

Big. Leonard Hlathi, provinsiale polisiewoordvoerder, het bevestig dat ʼn man (44) in hegtenis geneem is vir die verkragting van ʼn 16-jarige.

“Hy sal in aanhouding bly tot hy weer Dinsdag vir sy borgtogaansoek verskyn,” het Hlathi gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Johann

Gewoonlik word so persoon onmiddellik geskors tot sy verhoor uitslag, dan afgedank of herstel, afhangende die mens skuldig is aldan nie

Jan

Niemand reageer meer as die ANC iets verkeerd doen nie. Wat ‘n skande het die land geword. Sies.

Vic

Wonder of die ANC vroueliga gaan sing en dans by die verhoor?

Johan. H.

anc is n klomp “hipocrates”

w

Reeds word vraag gevra hukom twee weke gewag voor saak aanhangig gemaak is. Hy wil wee verontskuldig word