ANC sê oor Modise se plaas

Foto: eNuus

Foto: eNuus

Die ANC sê hy is seker daarvan dat selfs die gevestigde boere van vandag ook al foute in die verlede gemaak het wat die gesondheid van hul vee, die produktiwiteit van hul plase en hul winste in gevaar kon stel.

Die ANC het dié uitlating gemaak in reaksie op mediaberigte dat talle diere op Thandi Modise, voorsitter van die Nasionale Raad van Provinsies se plaas gevrek en in haglike omstandighede geleef het.

Stone Sizani, die hoofsweep van die ANC, het gesê hy deel Modise se sentiment dat dit ‘n ongelukkige voorval is en nooit moes gebeur het nie. “Ons is tevrede dat sy die nodige stappe neem om die situasie reg te stel en te verseker dat dit nie weer in die toekoms gebeur nie,” het Sizani gesê.

Hy sê hy het egter opgemerk dat hierdie situasie nou verpolitiseer word, en dat die party se teenstanders nou gebruik maak hiervan om die party aan te val en te diskrediteer rakende sy beleid oor grondhervorming.

“Ons is gewalg deur die pogings van strukture soos die DA wat hierdie voorval opportunisties gebruik om die grondhervormingsprogram te diskrediteer en swart boerdery inherent te projekteer as ‘n mislukking. Hierdie siening poog om nie net die belangrike en dringende nasionale program vir die regstelling van die ongeregtighede van 1913 te ondermyn nie, maar getuig ook van rassistiese ondertone,” het hy bygevoeg.

Sizani sê hy is seker dat, indien gevestigde boere soortgelyke foute gemaak het, dit nie aan ‘n soortgelyke mediaskouspel of politieke aanstellerigheid onderwerp sou wees nie, maar het dit benadruk dat enige lyding wat diere beleef het, nooit geregverdig kan word nie.

Volgens Sizani maak die DA hom egter aan “obsene skynheiligheid en rassisme” skuldig.

Hy sê die DA het voorheen ‘n oorverdowende stilte gehandhaaf wanneer geweldsdade teenoor mense op plase gepleeg is. “Soos die misbruik van plaaswerkers en die moord op swart mense omdat hulle glo vir bobbejane aangesien is.”

Die ANC sê hy sal nie afgeskrik word rakende sy besluit om die grondherverdelingsproses en landelike ontwikkeling te bespoedig nie.

Lees ook:
Video: ‘Ergste geval van dieremishandeling in 20 jaar’
‘Modise moet van dieremishandeling aangekla word’
Varke verhonger, vreet glo mekaar op Modise se plaas

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Willie

Dit is n al om bekende feit dat gruwelike nalatigheid hier betrokke is.Die belange op Modise se plaas aktiwiteite wys dat sy weke laas aandag aan haar boerdery gegee het.As sy betrokke was sou die gruwelike gebeurtenis verhoed kon gewees het.Sy sou na n dag of wat geweet het haar vee wagter is weg of het gedros.Geen aktiewe boer los sy diere net so nie en sal deurgaans in voeling bly met plaas aktiwiteite.Daar is eenvoudig geen verskoning nie.Gaan kyk maar na hervestigings plase! Boerdery is n bysaak en word oor gelaat aan die elemente terwyl bakhand gestaan word vir… Lees meer »

Paul Smith

Wys jou net hoe min die ANC van wit boere weet, net die anderdag het Zuma stortkop uitgevaar teen witmense wat vir hulle honde meer omgee as vir die swartes op hul plase.

Meneer

Verwaarlosing is nie ‘n fout nie, dis ‘n keuse. Blatante dieremishandeling!

Satdig oor die klippe, anc. Be careful what you wish for.

Rob Malan

Ons nooi die ANC en die regering om saam met die pers die plaas te besoek wat ons in 1997 aan benadeelde swartes verkoop het. Kom kyk hoe lyk daardie plaas vandag. Dit is geen wonder dat diere op hierdie wyse gemartel word nie. Die mense kry alles verniet en het geen benul van produktiwitet nie, nog minder van diere mishandeling.Kry die mense nie skaam nie.Sies man.

PURE BOER

WAT maak Thandi Modise met n plaas maar is nooit da nie??????
Gee die plaas vir n boer en laat Thandi Modise verder met TAX geld speel. Waarom wil hulle nog BOERE se grond vat as hul niks weet van BOER????

“Uit die blou van onse hemel,
Uit die diepte van ons see,
Oor ons ewige gebergtes
Waar die kranse antwoord gee.
Deur ons vêr verlate vlaktes
Met die kreun van ossewa.
Ruis die stem van ons geliefde,
Van ons land Suid-Afrika.
Ons sal antwoord op jou roepstem,
Ons sal offer wat jy vra:
Ons sal lewe, ons sal sterwe,
Ons vir jou, Suid-Afrika.”