ANC se Oos-Kaap kies voorsitter

Die lokaal nadat geweld uitgebreek het. Foto: Verskaf

Die uitslag van die stemmery om die ANC se nuwe provinsiale leierskap in die Oos-Kaap te bepaal is Sondag bekend gemaak.

Die verkiesingskonferensie is Saterdagaand in chaos gedompel toe ʼn bakleiery tussen twee faksies in die Oos-Londense Konvensiesentrum uitgebreek het.

Van dié afgevaardigdes het daarop aangedring dat Phumulo Masualle, die huidige uittredende voorsitter, in sy pos moes aanbly. Ander het Oscar Mabuyane, die uittredende sekretaris wat Masualle om die leierskap die stryd aangesê het, ondersteun.

Minstens agt afgevaardigdes is tydens die bakleiery beseer toe hulle met stoele en “ander gevaarlike voorwerpe” aangerand is. Volgens ʼn ooggetuie het een afgevaardigde ernstige beserings opgedoen toe hy “met ʼn mikrofoon in die gesig aangerand” is. Die beseerdes is per ambulans na hospitale geneem.

Mabuyane is later op die konferensie tot voorsitter van die party verkies.

Die Masualle-faksie het reeds aangedui hulle gaan ʼn dringende aansoek in die Oos-Londense hooggeregshof bring om die uitslag van die verkiesing ongeldig te verklaar.

Die ANC se nasionale leierskap het die geweld veroordeel.

Hier volg ‘n video van die bakleiery:

Dis mos hoe 'n ANC kongres moet lyk….

Posted by Elmarie Linde on Sunday, 1 October 2017

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
pieter

Dis nou mense wat die land wil regeer PATETIES. Waar is die uitvoerende gesag nou vd ANC. Wonder wat se ZUMA van sy mense. DOODSE STILTE.

Eish

Kry nie die vdieo nie.

Eish

Verskoning, daar is hy nou.

Johanna Botha

Barbaars !

tom

Kyk wat gebeur in die desember verkiesings