ANC se topses vergader met Zuma

Oudpres. Jacob Zuma (Foto: GCIS)

Ace Magashule, die sekretaris-generaal van die ANC, het gesê die topses van die ANC het Maandag met oudpres. Jacob Zuma vergader. Die vergadering het van 09:30 – 17:30 plaasgevind.

Volgens Magashule was dit ʼn “positiewe, baie konstruktiewe vergadering”. Die vergadering is belê om onder andere Zuma se besluit, om nie voor die Zondo-kommissie van ondersoek na staatskaping te verskyn nie, te bespreek.

Magashule het verwys na die Grondwet en die Handves van Menseregte as ʼn baie belangrike instrument in die lewens van alle Suid-Afrikaners.

“Zuma het ʼn omvattende voorlegging gemaak oor die besluit wat hy gemaak het. Hy het gepraat oor sy regte soos vervat in die Grondwet. Hy het ook gesê dit is nie sy bedoeling om die Grondwet te ondermyn nie,” het Magashule bygevoeg.

Zuma glo hy word onderwerp aan onregverdige vervolging. “As ʼn wetsgehoorsame burger respekteer hy die Grondwet en hy is geregtig op basiese regte, soos uiteengesit in ons Grondwet,” het Magashule gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Pieter

Die land se regstelsel is n grap man as dit ek was dan was ek al klaar in die tronk.

Herms

Strategie sekerlik bespreek. Zumpie moet sekerlik die res beskerm. Hy hoort in die tronk.

Sarel

Zuma….Magashule..saam. Hoekom meng die ANC in met die Regsproses.
Gaan daar nou een of ander opdrag hieruit voirtspruitbwznt dit sal ook totvoordeel.of nadeel van Magashule wees. Gazn Rhamaposa Zuma vryspreek? Dan volg Magashule en al die ander

Nie Verbaas

So Zondo kommisie n R700miljoen klug gefinansier deur belastingbetaler? Dit gee regtig nie om hoe Zuma voel nie. Die bewyse is ooglopend. Magashule net so skuldig soos Zuma aan korrupsie. Watter basiese regte het jy as jy deel was daarvan om n land te verwoes vir eie gewin? Magashule sal volg as niks met Zuma gebeur nie en so sal ander. Hoe meer ooglopend kan die ANC die kader beskerming nog maak? Julle is n totale grap en elke korrupte sal nou verwys na regte in grondwet en absoluut niks oorkom nie. Die ANC grawe elke dag die gat net… Lees meer »

Misky

Hulle het hulle strategie beplan, want almal is skelm en as Zuma sing, dan sit almal in oranje. En dan noem hy homself `n wetsgehoorsame burger….. hy beskou homself bo ander en die wet