ANC veroordeel plundery toe skoliere staak

Ontstoke skoliere van Cosas ruk op na Luthuli-huis (Foto: Bongani Shilubane/African News Agency/ANA)

Die ANC het Dinsdag gesê hy veroordeel die plundery wat plaasgevind het toe skoliere, wat verbonde is aan die studente-organisasie Cosas, na die party se hoofkantoor, Luthuli-huis, opgeruk het.

Duisende skoliere het Maandag deur die stad aan die optog deelgeneem. Hulle het ʼn memorandum oorhandig waarin hulle, onder andere, eis dat ʼn einde gebring moet word aan geweld by skole, verbeterde infrastruktuur bespoedig moet word en dat onderwysers, wat aan seksuele mishandeling skuldig bevind word, verwyder moet word.

Verskeie winkels, insluitend ʼn drankwinkel, selfoonhandelaar en haarsalon, is tydens die betoging geplunder deur die skoliere wat in hul skoolklere geklee was.

“Die ANC veroordeel die plundery tydens die Cosas-optog in Johannesburg se middestad ten sterkste,” het Dakota Legoete, waarnemende nasionale woordvoerder van die ANC, gesê. Hy het gesê die ANC is besorg dat die wetteloosheid die aandag aftrek van die doel van die optog en regmatige eise van die skoliere.

“Ons is baie teleurgesteld dat sommige van die betogers nie voldoen het aan die belofte van Cosas se leierskap dat die optog vreedsaam en gedissiplineerd sal wees nie,” het Legoete bygevoeg. “Ons maan Cosas om wetstoepassers by te staan om die oortreders te identifiseer. Daar is niks edel of revolusionêr daaraan om publieke of privaat eiendom te plunder of te beskadig nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Koos de Meyer.

Aartjie na hulle vaartjie. Hulle sien dit mos by hulle ouers, so wat verwag die regering. Dis mos aan die orde van die dag.

Willem van der Merwe

En hulle betoog teen juis dit wat hulle self aanvang en doen wat vir my wys enigiets is reg om op n afbrand plunder en massa histerie te gaan

Sandy Botha

Whaaaa haaaa haaaa! Daar gaan doen hulle nou presies wat hulle teen betoog. Common sense is a flower that doesn’t grow in everyone’s garden.

Zombie

Hulls eis dat geweld gestaak en dat infrastruktuur by skole opgeknap word, maar dan plunder hulle. Wie kan tog die logika verduidelik?

DS

Nou wil die politieke party wat hulle dit geleer het hulle se dit is verkeerd. Hoe dink die mense…. Toemaar retoriese vraag.