ANC vervreem ‘ons mense’ – Lesufi

Panyaza Lesufi. (Foto: Verskaf)

Panyaza Lesufi, adjunkvoorsitter van die ANC in Gauteng, het Woensdag sy mond uitgespoel oor korrupsie binne ANC-geledere tydens sy huldeblyk aan die teenapartheidsaktivis Andrew Mlangeni.

Mlangeni was die laaste oorlewende aangeklaagde van die opspraakwekkende Rivonia-verhoor en is verlede Dinsdag in die 1 Militêre Hospitaal in Pretoria oorlede.

Andrew Mlangeni. Foto: Presidensie/Twitter

Lesufi het die skare toegespreek tydens Mlangeni se staatsbegrafnis by die Universiteit van Johannesburg se Soweto-kampus. In sy toespraak het hy gewaarsku dat die vryheid waarvoor Mlangeni geveg het, verlore kan gaan indien die regerende party daarin misluk om van die interne probleme soos korrupte kaders aan te spreek. “Die opofferings wat jy [Mlangeni] gemaak het, kan dalk vergeefs wees indien iets drasties nie gedoen word nie,” het Lesufi gesê. “Die wantroue tussen die leierskap en ons mense word by die dag groter. In plaas daarvan dat ons veg vir die ontwikkeling van ons mense, stry ons oor posisies. Eerder as om te veg vir die ontwikkeling van ons land, is ons omring deur gulsige aasvoëls.”

Lesufi het daarop gewys dat dit “nog nooit in die geskiedenis” gebeur het dat ANC-kiesers in die party twyfel of ontevrede is met sommige van die “vryheidsvegters” se optrede nie. “Nog nooit in ons geskiedenis het gulsigheid en korrupsie die gedagtes van ons mense oorheers nie. In jou [Mlangeni] se eer, moet ons al hierdie verkeerde dinge regstel.”

Hy het egter nie geleentheid laat verbygaan om grondhervorming en ‑onteiening te bevorder nie. “Maar jy [Mlangeni] moet ook dié wat dood is in die stryd om vryheid daarop wys dat van die mense wat jy gevra het ons moet vergewe, ons vergifnis as vanselfsprekend aanvaar en hulle weier steeds om ons land aan ons terug te gee.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Ja Wat

NAR

Juffrou

Ag tog! Soek nou punte. Gatkruip skielik.

Willem

Hoeveel mense was by begrafnis

RekmyBek

“Kurrupte kaders aan te spreek” se hy….mmmmm wat van hul gaan tronk toe eerder en betaal elke sent terug?

Kiewiet

Stem saam